Прагляд зыходнага тэксту старонкі Знайсці і знішчыць

'''Знайсці і знішчыць''' ({{lang-en|Search and destroy}} або {{lang-en|Seek and destroy}}) — наступальная [[стратэгія]], распрацаваная ў сярэдзіне 1960-х гадоў у пачатку [[Вайна ў В’етнаме|В’етнамскай вайны]] [[галоўнакамандуючы|галоўнакамандуючым]] амерыканскімі сіламі [[Уільям Уэстморленд|Уільямам Уэстморлендам]].

Сутнасць стратэгіі заключалася ў тым, што атрад амерыканскай арміі павінен быў, накіраваўшыся ў кантраляваны праціўнікам раён, выявіць месцазнаходжанне буйных варожых сіл. Пасля першага агнявога кантакту перакідваліся дадатковыя [[Падраздзяленне (ваенная справа)|падраздзяленні]], [[Ваенная блакада|блакавалі]] магчымыя шляхі адступлення праціўніка, у той час як выяўленыя сілы знішчаліся з ужываннем [[Авіяцыя|авіяцыі]] і [[артылерыя|артылерыі]]. У многіх выпадках падраздзяленне, якое ажыццяўляла першапачатковы пошук (звычайна ўзвод або рота), выяўляла праціўніка толькі патрапіўшы ў яго [[Засада (тактыка)|засаду]] і нясучы страты. Яшчэ часцей агнявога кантакту не адбывалася, паколькі варожых сіл проста не аказваўся ў раёне пошуку.

Стратэгія была прынята амерыканскім камандаваннем летам [[1965]] года. Яе прымяненне было абумоўлена спецыфікай прыродных умоў В’етнама ([[джунглі]] і горы), якія абцяжарвалі выяўленне буйных падраздзяленняў [[В’етконг|НФВПВ]] і [[В’етнамская народная армія|паўночнав’етнамскай арміі]], а таксама недахопам людскіх рэсурсаў: як адзначаў міністр абароны ЗША [[Роберт Макнамара]], з прыкладна 500 тыс. амерыканскіх вайскоўцаў у [[Паўднёвы В’етнам|Паўднёвым В’етнаме]] (на канец [[1967]] года) толькі 70 тыс. маглі быць адначасова задзейнічаны ў наступальных [[Аперацыя (ваенная справа)|аперацыях]]<ref>Вооружённая борьба народов Азии за свободу и независимость 1945—1980. — М.: Наука, 1984. С. 176.</ref>; астатнія знаходзіліся ў дапаможных падраздзяленнях або былі задзейнічаны на ахове аб’ектаў.

Тыповымі прыкладамі выкарыстання стратэгіі «знайсці і знішчыць» з’яўляюцца [[бітва|бітвы]] [[Баі ў даліне Я-Дранг|ў даліне Я-Дранг]] (1965) і [[Бітва за вышыню «Гамбургер»|за вышыню «Гамбургер»]] (1969).

{{Зноскі}}

== Спасылкі ==
* Starry, Donn A. GEN. ''Mounted Combat In Vietnam''; Vietnam Studies. Department of the Army, 1978.
* {{cite book|author=Terry, Wallace|date=1984|title=Bloods: An Oral History of the Vietnam War by Black Veterans|publisher=Random House|isbn=0394530284|url-access=registration|url=https://archive.org/details/bloodsoralhistor00terr}} ({{ISBN|978-0-394-53028-4}}), e.g., pages 3–17.
{{В’етнамская вайна}}
[[Катэгорыя:Вайна ў В’етнаме]]
[[Катэгорыя:Ваенная стратэгія]]
[[Катэгорыя:Ваенная тэрміналогія]]
{{Вонкавыя спасылкі}}