Калонія-дэль-Сакрамента

Калонія-дэль-Сакрамента ісп.: Colonia del Sacramento Герб Краіна  Уругвай Каардынаты 34°28′17″ пд. ш. 57°50′39″ з. д. Заснаваны 1680 Вышыня цэнтра 27 ± 1 м Водныя аб’екты Arroyo de la Caballada[d] Насельніцтва 26 231 чал. (2011) Часавы пояс UTC-3 Тэлефонны код 452 Паштовыя індэксы 70000 Афіцыйны сайт colonia.gub.uy Калонія-дэль-Сакрамента на карце Уругвая

Медыяфайлы на Вікісховішчы

Калонія-дэль-Сакраме́нта (ісп.: Colonia del Sacramento) — горад ва Уругваі, які размяшчаецца ў дэпартаменце Калонія. Знаходзіцца на беразе ракі Ла-Плата, насупраць аргенцінскай сталіцы Буэнас-Айрэса.

Гісторыя

Па здабыцці Партугаліяй незалежнасці кароль краіны Педру II накіраваў на месца сучаснага горада экспедыцыю на чале з Мануэлам Лобу з мэтай аднаўлення партугальскіх калоній. Сюды прыбыла каля 400 салдат на пяці караблях. Іспанскі губернатар Буэнас-Айрэса накіраваў у канцы лютага 1680 года войскі, каб выбіць партугальцаў з горада. Лобу быў захоплены ў палон, дзе і загінуў 7 студзеня 1683 года. Аднак, у выніку пагаднення, складзенага яшчэ ў 1681 годзе, паселішча адышло да Партугаліі. Асноўным складнікам эканомікі адноўленага горада сталі кантрабанда і паляванне.

Падчас Вайны за іспанскую спадчыну губернатар Буэнас-Айрэса Вальдэс Інсьян ініцыяваў аблогу Калоніі-дэль-Сакрамента. Іспанцы ўзялі горад пад кантроль, а партугальскія каланісты былі эвакуіраваны караблямі. Толькі цэрквы і мост засталіся незруйнаванымі. Паводле Утрэхцкага міру горад зноў вярнуўся да Партугаліі. Наступная атака падчас Іспанска-партугальскай вайны 1735—1737 гадоў была няўдалай. Горад патрапіў пад уладу іспанцаў, але потым вярнуўся да Партугаліі. Са стварэннем Бразіліі горад стаў часткай новай краіны. 10 студзеня 1809 года да здабыцця Уругваем сваёй незалежнасці паселішча атрымала статус мястэчка. Пасля ўтварэння Уругвая стала горадам.

Спасылкі

• На Вікісховішчы ёсць медыяфайлы па тэме Калонія-дэль-Сакрамента
• Афіцыйны сайт