Прагляд зыходнага тэксту старонкі Камы

{{значэнні|Камы (значэнні)}}
[[Файл:Kame_below_Wester_Pearsie_-_geograph.org.uk_-_605724.jpg|thumb|Кам у Шатландыі]]
'''Ка́мы''' (ад {{lang-alt|кам}}, {{lang-tyv|хам}} — [[шаман]]) — узгоркі, бугры, кароткія грады акруглай, конусападобнай ці падоўжанай у плане формы ў абласцях апошняга мацерыковага зледзянення. Гэтыя формы [[рэльеф]]у складзеныя з сартаваных слаістых [[пясок|пяскоў]], [[галька|галечнікаў]] і [[жвір]]аў.

Вышыня вагаецца каля 10—15 м, зрэдку дасягае 80—100 м, дыяметр (па аснове) да некалькіх соцень метраў, стромкасць схілаў 10—20°, зрэдку 20—40°. Плошча ад дзесяткаў да тысяч м².

Камы ўзнікаюць ля ўнутранага боку [[мацярык|мацерыковых]] [[ледавік]]оў пры раставанні мёртвага [[лёд]]у. Часам яны прыкрытыя зверху плашчом [[марэна|марэны]]. Камавыя адклады сфарміраваны расталымі водамі пасіўнага або дэградуючага «мёртвага» лёду ва ўнутры-, пад- і надледавіковых трэшчынах, праталінах, паглыбленнях і іншых пустотах ва ўмовах кантрастнага рэльефу ледавіковага ложа. Пры раставанні лёду гэтыя адклады апусціліся і ўтварылі камавы рэльеф.

Паводле генезісу і будовы камы бываюць водна-ледавіковыя, складзеныя са слаістых розназярністых пяскоў і галечна-жвіровага матэрыялу, азёрна-ледавіковыя алеўрыта-гліністага складу са стужачнай гарызантальнаслаістай будовай і мяшаныя (складаныя), трапляюцца разнастайныя пераходныя да [[Озы|озаў]] формы.

Камы пашыраны ў Паўночным паўшар’і ([[Фінляндыя]], [[Польшча]], [[Германія]], [[Канада]], [[ЗША]]). На [[Беларусь|Беларусі]] сустакаюцца ў межах рэльефу паазерскага і сожскага зледзяненняў — на [[Браслаўская града|Браслаўскай]], [[Свянцянскія грады|Свянцянскай]] і [[Асвейская града|Асвейскай]] градах, [[Гродзенскае ўзвышша|Гродзенскім]], [[Віцебскае ўзвышша|Віцебскім]], [[Нешчардаўскае ўзвышша|Нешчардаўскім]] узвышшах і інш.

Многія камы змяшчаюць невялікія радовішчы пяску і жвіру.

== Літаратура ==
* Геаграфічныя паняцці і тэрміны: Энцыклапед. слоўнік. — Мн., 1999.
* Геаграфія ў тэрмінах і паняццях: Энцыклапедычны даведнік / Беларус. Энцыкл.; Рэдкал.: Г. П. Пашкоў і інш. — Мн.: БелЭн, 2003. — 352 с.: іл. ISBN 985-11-0262-8.
* {{Крыніцы/Беларусь: энцыклапедычны даведнік (1995)|Ка́мы|365}}
{{Бібліяінфармацыя}}

[[Катэгорыя:Геамарфалогія]]