Майкл Мак-Гіўні

Майкл Мак-Гіўні
англ.: Michael J. McGivney
Адукацыя	St. Mary's Seminary and University[d] Niagara University[d] Collège Antoine-Girouard[d]
Дзейнасць	каталіцкі святар
Месца працы	Roman Catholic Archdiocese of Hartford[d]
Нараджэнне	12 жніўня 1852(1852-08-12) Уотэрберы, Naugatuck Valley Planning Region[d], Канектыкут, ЗША
Смерць	14 жніўня 1890(1890-08-14) (38 гадоў) Thomaston[d], Naugatuck Valley Planning Region[d], Канектыкут, ЗША
Медыяфайлы на Вікісховішчы

Майкл Мак-Гіўні (12 жніўня 1852, ЗША — 14 жніўня 1890) — ксёндз, заснавальнік супольнасці «Рыцары Калумба».

Біяграфія

Нарадзіўся ў сям’і ірландскіх імігрантаў. Ён быў старэйшым сынам з трынаццаці дзяцей у сям’і, шасцёра з якіх памерлі ў маленстве. Яго бацька працаваў фармоўшчыкам.

Майкл вучыўся ў школе, але ў 13-гадовым узросце кінуў вучобу і пайшоў працаваць драбільшчыкам на фабрыку па вырабу латуні.

У 16 гадоў паступіў у семінарыю і ў 1877 годзе прыняў святарскае пасвячэнне ў Балтымары, у найстарэйшай каталіцкай катэдры ў ЗША. Быў скіраваны на служэнне ў касцёле Найсвяцейшай Панны Марыі ў Нью-Хэйвене, дзе замяніў хворага пробашча парафіі.

У адказ на праблему высокай смяротнасці сярод мужчын, якія выконвалі небяспечную працу, моцныя антыкаталіцкія стэрэатыпы амерыканскага грамадства, а таксама паўсюдную беднасць сярод католікаў ксёндз Мак-Гіўні ў 1882 годзе разам са сваімі парафіянамі заснаваў мужчынскую супольнасць «Рыцараў Калумба» — арганізацыю свецкіх католікаў, якія жадалі паглыбляць сваю веру, дапамагаць адзін аднаму і дзейнічаць дзеля дабра каталіцкіх сем’яў.

Сёння гэтая міжнародная касцёльная супольнасць дзейнічае ў больш як дзесяці краінах і налічвае ў сваіх шэрагах каля 1,9 млн удзельнікаў.

У 1996 годзе быў распачаты працэс беатыфікацыі.