Прагляд зыходнага тэксту старонкі Насельніцтва Шры-Ланкі

З насельніцтвам у 22,5 млн чалавек, [[Шры-Ланка]] з'яўляецца адным з самых населеных астравоў свету, у [[Індыйскі акіян|Індыйскім акіяне]] крыху саступаючы Мадагаскару (25 млн). Насельніцтва фактычна двунацыянальнае: пераважаюць будысты-сінгалы, на поўначы жывуць індуісты-тамілы. Сепаратысцкія імкненні тамілаў прывялі да стварэння ўзброенай паўстанцкай групоўкі — [[Тыгры вызвалення Таміл-Ілама|"тыграў Таміл-Ілама"]] — і сапраўднай грамадзянскай вайны (1983-2009), скончанай дзякуючы паспяховым ваенных дзеянняў урадавых сіл. Іншыя народы: мясцовыя [[Маўры Шры-Ланкі|маўры]] і [[Веды (народ)|веды]]; кітайскія і малайскія мігранты. Канстытуцыя дзяржавы замацоўвае за будызмам "вядучае месца" і дае шматлікія прывілеі, хоць і не прызнае дзяржаўнай рэлігіяй. 

== Дэмаграфія ==
[[File:Population pyramid of Sri Lanka 2016.png|thumb|Полава-ўзроставая піраміда, 2016]]
Для краіны, як і для ўсёй сённяшняй Паўднёвай Азіі, характэрны запаволены станоўчы прырост насельніцтва (0,76 % у 2017) з перавагай дзяцей і маладых асоб у працаздольным узросце. Нараджальнасць усё яшчэ значна пераўзыходзіць смяротнасць, але на адну жанчыну цяпер прыходзіцца 2,1 дзіцяці (2017)<ref>https://www.cia.gov/library/publications/resources/the-world-factbook/geos/ce.html {{Архівавана|url=https://web.archive.org/web/20200411103904/https://www.cia.gov/library/publications/resources/the-world-factbook/geos/ce.html |date=11 красавіка 2020 }}</ref>.    

== Этнічны склад ==
[[File:Vedda man and child, Sri Lanka.jpg|thumb|Веды, дарослы і малеча]]
З насельніцтва Шры Ланкі (2012) каля 74,8% складаюць [[сінгалы]], што адносяцца да індаеўрапейскіх народаў. 18% — [[тамілы]], якія належаць да [[Дравідыйскія мовы|дравідыйскай моўнай сям'і]] і маюць больш цёмны колер скуры. Тамілы насяляюць паўночны і ўсходні берагі вострава. Яны дзеляцца на ланкійскіх тамілаў, што жылі тут спрадвеку, і індыйскіх, якія былі завезеныя англічанамі з Індыі для работ на плантацыях. 9,2% складаюць [[маўры Шры-Ланкі|маўры]] — нашчадкі мясцовых жыхароў ды арабаў, што пачалі сяліцца па берагах вострава з VIII ст. Налічваецца таксама некалькі тысяч [[Веды (народ)|ведаў]] — спрадвечных жыхароў Паўднёвай Азіі [[Аўстралоідная раса|аўстралоіднай расы]], а яшчэ [[бюргеры Шры-Ланкі|бюргераў]] — нашчадкаў [[партугальцы|партугальцаў]], [[галандцы|галандцаў]] і [[англічане|англічан]], а таксама [[малайцы Шры-Ланкі|малайцаў]].

== Мовы ==
Дзяржаўная мова — [[сінгальская мова|сінгальская]]. На ёй размаўляюць сінгалы, меншая частка маўраў, веды. [[Тамільская мова]] мае афіцыйны характар у акругах, дзе [[тамілы]] складаюць большасць насельніцтва. Таксама тамільская мова родная для большай часткі маўраў. Бюргеры размаўляюць на крэольскай партугальскай мове. Шырока распаўсюджана [[англійская мова]], што выступае сродкам міжнацыянальных зносін.

== Рэлігійны склад ==
Этнічнаму складу ў асноўным адпавядае і рэлігійная прыналежнасць насельніцтва: [[будызм]] вызнаюць каля 70% (у асноўным [[сінгалы]]), [[індуізм]] — больш за 17% (галоўным чынам [[тамілы]]). [[Іслам]] вызнаюць прыкладна 8% (у асноўным гэта [[маўры Шры-Ланкі|маўры]]. [[бюргеры Шры-Ланкі|Бюргеры]] гістарычна з'яўляюцца прыхільнікамі [[хрысціянства]], шмат хрысціян і сярод між іншых народаў.

== Рассяленне і ўрбанізацыя ==
Па гушчыні насельніцтва Шры-Ланка (330 чал/кв.км) пераўзыхозіць ужо ўзгаданы Мадагаскар у 9 разоў і ў гэтым паказчыку падобная да [[Японія|Японіі]]. Востраў заселены даволі раўнамерна, але найбольшая шчыльнасць назіраецца на захадзе, асабліва густа заселены раён сталічнай агламерацыі. Большасць насельніцтва сельская — Шры-Ланка адносіцца да самых слабаўрбанізаваных краін свету (усяго 18 % у 2018 годзе<ref>https://www.cia.gov/library/publications/resources/the-world-factbook/geos/ce.html {{Архівавана|url=https://web.archive.org/web/20200411103904/https://www.cia.gov/library/publications/resources/the-world-factbook/geos/ce.html |date=11 красавіка 2020 }}</ref>). Найбуйнейшыя гарады — Каломба (600 000), Кадувела (250 000), Махарагама (200 000), [[Гале (Шры-Ланка)|Гале]], [[Трынкамалі]], [[Джафна]], [[Канды]].

{{Зноскі}}

{{Шры-Ланка ў тэмах}}
{{Азія паводле тэм|Насельніцтва}}

[[Катэгорыя:Насельніцтва Шры-Ланкі| ]]