Паветы Рэспублікі Малдова

Адміністрацыйны падзел Рэспублікі Малдова 1999-2002 гадоў

Паветы Рэспублікі Малдова — адміністрацыйны падзел Рэспублікі Малдова, які існаваў у 1999-2002 гадах.

Гісторыя ўзнікнення

У 1998 годзе дэпутаты Парламента Рэспублікі Малдова прынялі ў першым чытанні законапраект пра ўнясенне змен і дадаткаў у закон «Пра мясцовае публічнае кіраванне» ад 6 лістапада 1998 года. Дакумент вызначаў размежаванне кампетэнцый сёл (камун), гарадоў (муніцыпіяў) і раёнаў.

З 1 студзеня 1999 года і да 29 студзеня 2002 года Рэспубліка Малдова была падзелена на 9 (з 22 кастрычніка 1999 года — 10) паветаў, 1 муніцыпальнае і 2 адміністрацыйна-тэрытарыяльныя ўтварэнні.

• Бельцкі павет (Judeţul Bălţi)
• Кагульскі павет (Judeţul Cahul)
• Кішынёў (муніцыпальнае ўтварэнне)
• Кішынёўскі павет (Judeţul Chişinău)
• Едзінецкі павет (Judeţul Edineţ)
• Гагаузія (адміністрацыйна-тэрытарыяльнае ўтварэнне)
• Лапушнянскі павет (Judeţul Lăpuşna)
• Аргееўскі павет (Judeţul Orhei)
• Сарокскі павет (Judeţul Soroca)
• Дубасарскі павет (адміністрацыйна-тэрытарыяльнае ўтварэнне на левым беразе Днястра)
• Тараклійскі павет (Judeţul Taraclia), вылучаны з Кагульскага павета 22 кастрычніка 1999 года
• Бендэрскі павет (Judeţul Tighina)
• Унгенскі павет (Judeţul Ungheni)

29 студзеня 2002 года тагачаснай парламенцкай большасцю быў прыняты новы закон пра адміністрацыйна-тэрытарыяльны лад.