Сесілія Рот

Сесілія Рот
ісп.: Cecilia Roth
Імя пры нараджэнні	ісп.: Cecilia Edith Rotenberg Gutkin
Род дзейнасці	актрыса, кінаактрыса
Дата нараджэння	8 жніўня 1956(1956-08-08) (68 гадоў)
Месца нараджэння	Буэнас-Айрэс, Аргенціна
Грамадзянства	Аргенціна  Іспанія
Бацька	Abrasha Rotenberg[d]
Маці	Dina Rot[d]
Муж	Fito Páez[d]
Узнагароды і прэміі	Еўрапейская кінапрэмія найлепшай еўрапейскай актрысе (1999)
Медыяфайлы на Вікісховішчы

Сесілія Рот (ісп.: Cecilia Roth; поўнае імя Сесілія Ротэнберг Рот (ісп.: Cecilia Rotenberg Rot); нар.8 жніўня 1958, Буэнас-Айрэс) — аргенцінская і іспанская кінаактрыса.

Біяграфія

Яе бацька, Абраша Ратэнберг, які эміграваў у Аргенціну з Савецкага Саюза ў 1930-х гадах, — рэдактар і журналіст; маці, Дзіна Рот (народжаная Гуткіна, нар. 1933) — спявачка, выканаўца яўрэйскіх песень на ладзіна чылійскага сефардскага паходжання.

У 1976 годзе разам з братам і бацькам, якога пераследвалі ўзброеныя атрады мантанерас, пераехала з Аргенціны ў Іспанію, дзе пачала здымацца ў кіно. У 1979 годзе з’явілася ў фільме Івана Сулуэты «Успышка», які хутка стаў культавым. Шырокую вядомасць атрымала пасля роляў у фільмах Педра Альмадовара, Рот знялася ў шасці яго фільмах, уключаючы першую поўнаметражную стужку рэжысёра, «Пепі, Люсі, Бом і астатнія дзяўчыны» (1980). У 1995 годзе Рот вярнулася ў Аргенціну, здымалася ў аргенцінскіх, іспанскіх і мексіканскіх фільмах і тэлесерыялах, іграла ў тэатры. Здымалася ў Марсело Піньейра, Даніэля Бурмана, Алехандра Агрэсці і інш. Двойчы, у 1998 і 2000 гадах, была ўдастоена прэміі «Гоя» за лепшую жаночую ролю ў фільмах Арыстарайна і Альмадовара. У 2001 годзе была членам журы Венецыянскага кінафестывалю.

У 1999—2003 гадах была замужам за аргентынскім рок-музыкам, кампазітарам і кінарэжысёрам Фіта Паесам. Яе брат, Арыель Рот (Ariel Eduardo Rotenberg Gutkin, нар. 1960), таксама вядомы рок-музыкант, былы ўдзельнік гуртоў Tequila і Los Rodríguez.