Талачынская цэнтральная раённая бальніца

Талачынская ЦРБ
Размяшчэнне	Талачын
Каардынаты
Адрас	Віцебская вобласць, Талачынскі раён, г. Талачын, вуліца Астроўскага, 37.
tcrb.by

УАЗ «Талачынская цэнтральная раённая бальніца» — комплекс лячэбна-прафілактычных устаноў Талачынскага раёна. Будынак ЦРБ знаходзіцца ў Талачыне.

Гісторыя

У 2015 годзе было адрамантавана інфекцыйнае аддзяленне. У 2017 годзе былі выдзелены сродкі на абнаўленне і пераабсталяванне аддзялення жаночай кансультацыі. У 2018 годзе было закуплена абсталяванне для лячэння анкалагічных захворванняў і абсталяванне функцыянальнай дыягностыкі.

З 2018 года Талачынская ЦРБ уключана ў рэспубліканскую праграму энергазберажэння. Дзякуючы рэалізацыі ініцыятывы «Свет без межаў», у Талачынскай ЦРБ было закуплена сучаснае абсталяванне для рэабілітацыі насельніцтва, аснашчэння гульнёвага пакоя ў дзіцячым аддзяленні і залы лячэбнай фізкультуры. На базе дзіцячага аддзялення з’явіўся рэабілітацыйны цэнтр.

Спіс лекава-прафілактычных устаноў

У склад установы аховы здароўя «Талачынская ЦРБ» уваходзяць:

• Талачынская цэнтральная раённая бальніца на 147 ложкаў з паліклінікай (375 наведванняў у змену), дзённым стацыянарам на 20 бальнічных ложкаў, аддзяленнем хуткай і неадкладнай медыцынскай дапамогі;
• Коханаўская раённая бальніца на 85 ложкаў з паліклінікай (300 наведванняў у змену), дзённым стацыянарам на 15 ложкаў, аддзяленнем хуткай і неадкладнай медыцынскай дапамогі;
• Сельскія ўрачэбныя амбулаторыі (у вёсках Абольцы, Валосава, Варанцэвічы, Серкавіцы, Слаўнае) на 125 наведванняў у змену, дзённымі стацыянарамі на 12 ложкаў;
• Фельчарска-акушэрскія пункты (аг. Друцк, вёскі Азерцы, Галошава, Гаршчэўшчына, Жукнева, Заднева, Зялёная, Маціёва, Мяшкова, Навінка, Нізкі Гарадзец, Плоскае, Райцы, Рамашкава, Славені, п. Усвіж-Бук).

Структура Талачынскай ЦРБ

• аддзяленне медыцынскай рэабілітацыі;
• аддзяленне хуткай і неадкладнай медыцынскай дапамогі;
• дзіцячае аддзяленне;
• інфекцыйнае аддзяленне;
• радзільнае аддзяленне;
• рэанімацыйнае аддзяленне;
• тэрапеўтычнае аддзяленне;
• хірургічнае аддзяленне.

Спасылкі

• Сайт Талачынскай цэнтральнай раённай бальніцы Архівавана 11 лютага 2020.