Тлушчапот
Тлушчапот — тлушчападобнае рэчыва, якое змяшчаецца ў воўне авечак. Уяўляе сабой сумесь вылучэнняў сальных залоз скуры (скурнае сала) і потавых залоз (пот).
Па сваім выглядзе і кансістэнцыі тлушчапот нагадвае мяккае топленае сала, радзей — смалу і воск. Тлушчапот пакідае масляністыя плямы пры судотыку з ім. Хімічны склад тлушчапоту і колькасць у ім воўнага тлушчу залежаць ад пародных, палавых і індывідуальных асаблівасцяў авечак, а таксама ўмоў утрымання і кармлення. Максімальная колькасць воўнага тлушчу змяшчаецца ў воўне мерыносаў і складае 30-40 %. У паўтанкарунных авечак гэты паказчык роўны 12-20 %. У поўсці грубавоўных авечак утрыманне воўнага тлушчу найменшае — каля 4 %.
Літаратура
[правіць | правіць зыходнік]- Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).