Франсіска Марэна Фернандэс (адмірал)
Франсіска Марэна Фернандэс | |
---|---|
![]() | |
Дата нараджэння | 7 лістапада 1883 |
Месца нараджэння | |
Дата смерці | 21 студзеня 1945[1] (61 год) |
Месца смерці | |
Месца пахавання | |
Грамадзянства | |
Род войскаў | Spanish Navy[d] |
Званне | адмірал |
Бітвы/войны | |
Узнагароды і званні |
Франсіска Марэна Фернандэс (ісп.: Francisco Moreno Fernández; 7 лістапада 1883 — 21 студзеня 1945) — адмірал ВМФ Іспаніі, удзельнік грамадзянскай вайны 1936—1939 гадоў[3].
Біяграфія
[правіць | правіць зыходнік]Нарадзіўся ў г. Сан-Фернанда (Кадыс).
На іспанскім флоце служыў з 15 гадоў. Першапачаткова накіраваны на фрэгат «Asturias», дзе размяшчалася плывучая ваенна-марская школа. Ужо ў 19 гадоў меў званне карабельнага прапаршчыка.
У 1917 годзе быў прызначаны ў склад экспертнай камісіі, якая ў сярэдзіне Першай сусветнай вайны накіравалася ў Германію для вывучэння яе ваенных партоў. Пасля камандзіроўкі прыняў камандаванне тарпедным катэрам № 12. У 1920 годзе ўключаны ў склад Паўночнай гідраграфічнай камісіі.
Як спецыяліст па карабельным гарматам стаў начальнікам артылерыі браняносца «Хаймэ I». Камандаваў берагавой аховай Лараша ў Марока. У 1935 годзе заняў пасаду дырэктара Ваенна-марскога каледжа.
На момант ліпеньскага паўстання 1936 года знаходзіўся ў Феролі, дзе далучыўся да нацыяналістаў. У час грамадзянскай вайны быў кіраўніком паўстанцкага флоту. У 1937 годзе прызначаны галоўным адміралам сухапутных, марскіх і паветраных сіл Міжземнаморскай блакады.
Пасля вайны заняў пасаду генерал-капітана Картахены, потым — Фероля.
Пасмяротна атрымаў тытул маркіза Альбарана. Пахаваны ў Пантэоне славутых маракоў.
Абвінавачванні
[правіць | правіць зыходнік]У 2010 годзе Марэна Фернандэс быў адным з трыццаці пяці высокапастаўленых чыноўнікаў рэжыму Франсіска Франка, пасмяротна абвінавачаных Нацыянальным судом Іспаніі ў злачынствах супраць чалавечнасці, учыненых падчас грамадзянскай вайны і ў першыя гады дыктатуры[4].
Крыніцы
[правіць | правіць зыходнік]- ↑ Francisco. Marqués de Alborán (I) Moreno Fernández // Diccionario biográfico español — Real Academia de la Historia, 2011. Праверана 9 кастрычніка 2017.
- ↑ https://www.lavozdelsur.es/ediciones/provincia-cadiz/san-fernando/senora-ministra-por-marinos-masacre-franquista-ilustres-san-fernando_316555_102.html
- ↑ Moreno, Francisco. La Guerra en el Mar Editorial AHR, Barcelona (1959)
- ↑ El País «Garzón reparte la causa del franquismo» Consultado el 25 de marzo de 2013