Французскія рэвалюцыі

Французскія рэвалюцыі — назва шэрагу карэнных і хуткіх пераваротаў у дзяржаўным і грамадскім ладзе Францыі ў перыяд з 1789 па 1958 гг. У сярэднім, адну французскую рэвалюцыю ад іншай аддзяляла ўсяго 19 гадоў.

У айчыннай гістарыяграфіі традыцыйна да французскіх рэвалюцый адносяцца:

• Вялікая французская рэвалюцыя 1789—1794 гг., канца XVIII ст., якая ліквідавала абсалютызм.
• Ліпеньская рэвалюцыя 1830 г., якая прывяла да звяржэння караля Карла X і ўзыходжання на прастол Луі-Філіпа I.
• Лютаўская рэвалюцыя 1848 г., якая прывяла да звяржэння караля Луі-Філіпа I і ўсталявання Другой рэспублікі.
• Вераснёвая рэвалюцыя 1870 г., якая прывяла да стварэння Трэцяй рэспублікі.

Акрамя таго, у Францыі адбываліся наступныя карэнныя і хуткія перавароты ў дзяржаўным і грамадскім ладзе:

• Пераварот 18 брумера (9 лістапада 1799 г.), у выніку якога Дырэкторыя была пазбаўлена ўлады і быў створана новы часовы ўрад на чале з Напалеонам Банапартам.
• Рэстаўрацыя Бурбонаў 6 красавіка 1814 г.
• Плебісцыт 2 снежня 1852 г., які ўсталяваў канстытуцыйную манархію на чале з пляменнікам Напалеона I Луі Напалеонам Банапартам, які прыняў імя Напалеона III.
• Парыжская камуна 1871 г.
• Пераварот 10 ліпеня 1940 г., у выніку якога да ўлады прыйшоў Маршал Петэн.
• Рэферэндум 13 кастрычніка 1946 г.
• Рэферэндум 28 верасня 1958 г., па выніках якога прынята новая канстытуцыя, а Шарль дэ Голь абвешчаны першым прэзідэнтам Пятай французскай рэспублікі.

Гл. таксама

• Гісторыя Францыі
• Спіс рэвалюцый і паўстанняў (фр.)