Францыск Іванавіч Шустэр

Францыск Іванавіч Шустэр
Дата нараджэння	1832
Месца нараджэння	Варшава, Царства Польскае, Расійская імперыя
Дата смерці	1 сакавіка 1908(1908-03-01)
Месца смерці	Харкаў, Харкаўская губерня, Расійская імперыя
Альма-матар	Школа прыгожых мастацтваў ў Варшаве[d] (1851) Імператарская Акадэмія мастацтваў (1855)
Працы і дасягненні
Член у	Рускае тэхнічнае таварыства[d] Пецярбургскае таварыства архітэктараў[d]
Працаваў у гарадах	Пскоў, Мінск, Саратаў, Харкаў, Пецярбург
Горадабудаўнічыя праекты	Харкаў
Медыяфайлы на Вікісховішчы

Францыск Іванавіч Шустэр (1832 — 1908) — архітэктар.

Біяграфія

Адукацыя

Пачатковую адукацыю атрымаў у Варшаўскай гімназіі. Пасля заканчэння Варшаўскай мастацкай школы атрымаў званне архітэктара 1-й ступені. Для далейшага ўдасканалення ў будаўнічай справе ў 1851 годзе паступіў у Пецярбургскую Акадэмію мастацтваў. У 1852 і 1853 гадах быў адзначаны срэбнымі медалямі 1-й і 2-й ступеняў за праекты будынку вядомага жывапісца і гандлёвага будынку для дамскіх туалетаў. У 1855 годзе з дазвалення галоўнаўпраўляючага шляхоў зносін і публічных будынкаў сдаў выпускны экзамен разам з выхаванцамі практычнага класа Пецярбургскага будаўнічага вучылішча і атрымаў званне грамадзянскага інжынера і чын губернскага сакратара.

У Пскове

Прызначаны вытворцам работ заміж інжынера ў Пскоўскую губернскую будаўнічую і дарожную камісію. Акрамя тэхнічнай дзейнасці быў дырэктарам пскоўскага губернскага турэмнага камітэту і папячыцелем пскоўскіх арастанцкіх рот грамадзянскага ведамства (1860-61).

У Пецярбургу

У 1857 атрымаў званне акадэміка архітэктуры, у 1871 — інжынера-архітэктара.

Адначасова з гэтым Францыск Іванавіч далучыўся да Тэхніка-будаўнічага камітэту Міністэрства ўнутраных спраў, з адкамандзіраваннем для заняццяў ў Галоўнае таварыства расійскіх чыгунак у Пецярбургу. Падчас службы там здымаў кватэру ў Доме П. С. Шчарбакова па вуліцы Чайкоўскага, 69.

У Мінску

У 1883 годзе назначаны губернскім архітэктарам у Мінск. Некаторыя крыніцы падаюць, што Ф. Шустэр займаў пасаду губернскага інжынера, але губернскім інжынерам з 1871 і прынамсі да 1886 года быў Мікалай Ягоравіч Чакмасаў.

У Саратаве

У 1885—1890 гадах працаваў губернскім інжынерам у Саратаве. Стварыў некалькі новых праектаў і праектаў перабудоў гарадскіх будынкаў, таксама адзначыўся драўлянымі храмамі і пабудовамі сядзіб у Саратаўскай губерні. Быў таксама дырэктарам саратаўскага турэмнага камітэту, членам саратаўскіх дабрачынных таварыстваў — таварыства чырвонага і белага крыжа, таварыства выратавання.

У Харкаве

З 1890 года заняў пасаду губернскага інжынера ў Харкаве. Па яго праектах, вырашаных у стылявых формах неабарока і неарасійскага напрамку, у горадзе было выканана шмат пабудоў.

Быў дырэктарам Харкаўскага турэмнага камітэта, членам Харкаўскага аддзялення клапатлівага таварыства пра сляпых.

Актыўна займаўся грамадскай дзейнасцю. Быў сапраўдным членам Рускага тэхнічнага таварыства, членам Пецярбургскага таварыства архітэктараў, Таварыства інжынераў у Лондане і складаўся ў розных камітэтах і дабрачынных камітэтах у тых гарадах, дзе служыў. З 1907 года сапраўдны стацкі саветнік. Памёр 1 сакавіка 1908 года.

Творчасць

У Санкт-Пецярбургу

Былы даходны дом на Коннагвардзейскім бульвары

Даходны дом на Вярэйскай, дзе пазней жыў У. І. Ленін

• прымаў удзел у збудаванні комплекса Варшаўскага вакзалу: стварыў праекты жылога дома і рэмонтнага дэпо Мікалаеўскай чыгункі — 1870-я
• чыгуначны мост на Наваторжскай чыгунцы праз р. Лагавеж — 1871-82
• перабудова даходнага дома па адрасе Коннагвардзейскі бульвар, 3 — 1873
• праект даходнага дома па адрасе вул. Падольская, 6/Вярэйская, 5 — 1875

У Мінску

Дом Лунца па вуліцы Захар'еўскай у Мінску (у цэнтры, самы нізкі будынак)

• праект дома В. Л. Лунца па вуліцы Захар'еўскай — 1884-85

У Саратаве

Будынак Саратаўскай купецкай біржы, цяпер адзін з карпусоў Паволжскага інстытута кіравання

• драўляны будынак цырка ў садзе Р. В. Очкіна
• праект мураванага будынка купецкай біржы — канец 1880-х
• праект перабудовы гасцініцы «Расія»
• аднаўленне і пашырэнне згарэлага мукамольнага млына гандлёвага дома бр. Рэйнеке
• перабудова двухпавярховага мураванага дома Зейферт
• драўляныя бальнічныя баракі пры губернскай турме
• пабудова плывучай станцыі таварыства выратавання на водах «Порт-Пасьет»

У Саратаўскай губерні

• драўляная царква ў с. Дваранская Цярэшка
• драўляная царква ў в. Польная Рослаўка
• лютэранская царква ў с. Усць-Кулалінка
• мураваная капліца ў памяць святога каранавання Іх Імператарскай Вялікасці ў с. Залатое

У Самарскай губерні

Асабняк Паісія Міхайлавіча Мальцава ў Балакове, фота каля 1890-х гадоў

• асабняк П. М. Мальцава ў с. Балакова

У Харкаве

• перабудова былога Аляксандраўскага прытулку для таннай сталовай Харкаўскага дабрачыннага таварыства (1890)
• перабудова дома для музычнага вучылішча Рускага музычнага таварыства (1891)
• царква і актавая зала ў 3-й харкаўскай мужчынскай гімназіі (1891—1892)
• збудаванне вучылішча сляпых на вул. Сумской № 55 (1891 p., суаўтар С. Загоскін)
• у 1897—1900 гадах займаўся пабудовай Харкаўскай канторы Дзяржаўнага банка на Тэатральнай плошчы (па праекце Р. Галянішчава)
• Узначальваў распрацоўку генеральнага плана горада (1895—1897, сааўтары Б. Міхалоўскі, Р. Стрыжэўскі, М. Шаўцоў, А. Кандратоўскі, М. Брантнер)

Узнагароды

• Вялікі залаты медаль Маскоўскай політэхнічнай выстаўкі (1872).

Літаратура

• Архитекторы-строители Санкт-Петербурга середины XIX — начала XX века. Под общ. ред. Б. М. Кирикова. — СПб. Пилигрим, 1996
• Тимофієнко В. Г. Зодчі України кінця XVIII — початку XX століть: Біографічний довідник. — К.: НДІТІАМ, 1999. — 477 с

Спасылкі

• ШУСТЕР Франциск Іванович Архівавана 21 лютага 2017. (укр.)
• Шустер Франциск Иванович (1832—1908) (руск.)