Аляксей Анатолевіч Волкаў
 Аляксей Волкаў | ||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||||||||||||||||||||||||||
| Агульная інфармацыя | ||||||||||||||||||||||||||||||||||||||||||||||||||||
| Поўнае імя | Аляксей Анатольевіч Волкаў | |||||||||||||||||||||||||||||||||||||||||||||||||||
| Нарадзіўся |
5 красавіка 1988 (36 гадоў) Радужны, ХМАА, СССР |
|||||||||||||||||||||||||||||||||||||||||||||||||||
| Грамадзянства |
 Расія |
|||||||||||||||||||||||||||||||||||||||||||||||||||
| Пражыванне | Ханты-Мансійск, Ханты-Мансійская аўтаномная акруга-Югра, Расія | |||||||||||||||||||||||||||||||||||||||||||||||||||
| Клуб | ЦСКА | |||||||||||||||||||||||||||||||||||||||||||||||||||
| Рост/Вага | 176 см/68 кг | |||||||||||||||||||||||||||||||||||||||||||||||||||
| Сямейнае становішча | не жанаты | |||||||||||||||||||||||||||||||||||||||||||||||||||
| Захапленні | музыка | |||||||||||||||||||||||||||||||||||||||||||||||||||
| Адукацыя | сярэдняя спецыяльная(Радужнінскі прафесійны ліцэй — 8), н/вышэйшая (Сургуцкі дзяржаўны ўніверсітэт) | |||||||||||||||||||||||||||||||||||||||||||||||||||
| Трапнасць стральбы | ||||||||||||||||||||||||||||||||||||||||||||||||||||
| Паводле даных за | 2009-2010 | |||||||||||||||||||||||||||||||||||||||||||||||||||
| Агульная трапнасць | 87.20% | |||||||||||||||||||||||||||||||||||||||||||||||||||
| Лежачы | 90.40% | |||||||||||||||||||||||||||||||||||||||||||||||||||
| Стоячы | 84.00% | |||||||||||||||||||||||||||||||||||||||||||||||||||
| Кар’ера (Кубак свету) | ||||||||||||||||||||||||||||||||||||||||||||||||||||
| Асабістых подыумаў |
2 ( x 0 +  x 2 +  x 0) |
|||||||||||||||||||||||||||||||||||||||||||||||||||
| Подыумаў у эстафетах |
6+1[1] ( x 3+1[1] + x 1 + x 2) |
|||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||
 Медыяфайлы на Вікісховішчы | ||||||||||||||||||||||||||||||||||||||||||||||||||||
Аляксей Анатолевіч Волкаў (5 красавіка 1988, Радужны, ХМАО, Цюменская вобласць) — расійскі біятланіст, алімпійскі чэмпіён 2014 года ў эстафеце, Заслужаны майстар спорту,[2] чатырохразовы чэмпіён Еўропы, шасціразовы чэмпіён Расіі.
Біяграфія[правіць | правіць зыходнік]
Спачатку займаўся лыжнымі гонкамі пад кіраўніцтвам Андрэя Іванавіча Каліснечэнка. У 2003 годзе Аляксей разам з малодшым братам Аляксандрам прынялі рашэнне пераключыцца на біятлон: у Ніжнявартаўску заклапаціліся стварэннем біятлоннай школы, куды набіралі паспяховых, хуткасных лыжнікаў.[3] У Ніжнявартаўску Аляксей два гады працаваў з Іванам Фёдаравічам Зяленіным і Пятром Мікалаевічам Дубасавым. Потым трапіў у акруговую каманду, а затым і ў юніёрскую каманду ХМАО да трэнераў Валерыя Паўлавіча Захарава і Сяргея Аляксандравіча Алтухава.[4]
Да трэніровак з асноўным складам зборнай Расіі быў прыцягнуты з сезона 2009—2010.
У калекцыі Аляксея Волкава:
- 3 золата, 3 срэбра і бронза чэмпіянатаў Расіі
- 2 срэбра на юніёрскім чэмпіянаце свету
- 3 залатыя, 3 сярэбраныя і 2 бронзы юніёрскіх чэмпіянатаў Еўропы
Першая гонка Волкава на этапе Кубка Свету адбылася 5 снежня 2009 года ў шведскім Астэрсундзе, а лепшым вынікам Аляксея з’яўляюцца 2-е месца ў мас-старце Оберхафа і індывідуальнай гонцы Рупольдзінгу ў студзені 2014 года.
У цяперашні час Аляксей Волкаў прадстаўляе ЦСПСКЮ горада Ханты-Мансійска і з’яўляецца студэнтам СурГУ, а яго трэнерам з’яўляецца Сяргей Алтухаў.
Спартыўная кар’ера[правіць | правіць зыходнік]
Юніёрскія і моладзевыя дасягненні[правіць | правіць зыходнік]
- У 2009 годзе на чэмпіянаце свету па біятлоне сярод юніёраў выйграў сярэбраны медаль у індывідуальнай гонцы. Там жа ў складзе зборнай Расіі заняў 2-е месца ў эстафеце.
- На чэмпіянаце Еўропы сярод юніёраў ва Уфе атрымаў золата ў эстафеце і заняў трэцяе месца ў гонцы пераследу.
- На чэмпіянаце Еўропы 2010 Волкаў выйграў медалі ва ўсіх 4-х дысцыплінах. Ён заняў першае месца ў гонцы пераследу, стаў срэбным прызёрам у спрынце, эстафеце (склад каманды: Волкаў, Малышка, Семакоў, Васільеў) і атрымаў бронзавы медаль у індывідуальнай гонцы.
Расійскія спаборніцтвы[правіць | правіць зыходнік]
- У красавіку 2009 года Аляксей Волкаў стаў адкрыццём чэмпіянату Расіі ва Уваце. Па ўзросту ён яшчэ юніёр, але па колькасці медалёў апярэдзіў абсалютна ўсіх: у яго два золата, срэбра і бронза.
- У снежні 2009 года заняў другое месца ў індывідуальнай гонцы чэмпіянату Расіі.
- У красавіку 2011 года ў складзе першай зборнай ХМАО — Югры заняў трэцяе месца ў эстафеце на чэмпіянаце Расіі ў Цюмені, прайграўшы на апошніх метрах дыстанцыі ўдмурцкаму спартсмену Вячаславу Алыпаву.
- У красавіку 2012 года ва Увате Аляксей зрабіў залаты дубль, спачатку выйграў індывідуальную гонку, апярэдзяўшы Андрэя Макавеева на 8 секунд, а затым і гонку пераследу, апярэдзяўшы таго ж Андрэя Макавеева ўжо на хвіліну.
- У красавіку 2012 года ў Цюмені на Адкрытым Кубку Расіі Аляксей стаў другім у спрынце, прайграўшы Цімафею Лапшынаву 20 секунд, а затым выйграў гонку пераследу, атрымаўшы галоўны прыз.
- На Чэмпіянаце Расіі ў Цюмені па біятлоне 2012 А. Волкаў спачатку стаў другім у мас-старце, а на наступны дзень стаў 6-разовым чэмпіёнам Расіі, перамогшы разам з камандай Ханты-Мансійскай акругі ў эстафетнай гонцы 4х7,5 км (А. Трусаў, Д. Ярашэнка, А. Гусеў, А. Волкаў)[5].
- У сакавіку 2013 годзе на Чэмпіянаце Расіі ва Уваце стаў срэбным прызёрам у спрынце, адстраляўся без промахаў і прайграў пераможцу Яўгену Гаранічаву 3,5 секунды. Дзень пазней у гонцы пераследу таксама фінішаваў другім з двума промахамі, прайграўшы таму ж Яўгену Гаранічаву 35 секунд. Таксама заваяваў сярэбраны медаль у эстафеце ў складзе каманды ХМАО (А. Трусаў, А. Гусеў, М. Баярскі, А. Волкаў).[6]
Кар’ера ў Кубку свету[правіць | правіць зыходнік]
Сезон 2009—2010
- 5 снежня 2009 года дэбютаваў у Кубку свету ў спрынтарскай гонцы ў Эстэрсундзе, паказаўшы 74-ы вынік (5-ы з 6 сярод расійскіх спартсменаў).
- 13 сакавіка 2010 года набраў першыя ачкі — 9-е месца ў спрынтарскай гонцы ў Кантыялахці.
- 18 сакавіка 2010 года заняў 4-е месца ў спрынтарскай гонцы ў Хольменкалене і ўпершыню трапіў «на кветкавую цырымонію».
Сезон 2011—2012
- 18 снежня 2011 года на этапе ў Хохфільцэне дэбютаваў у складзе змяшанай эстафетнай каманды і адразу выйграў гонку.
- 5 студзеня 2012 года на этапе Кубка свету ў Оберхофе дэбютаваў і ў складзе мужчынскай эстафеты і заняў другое месца разам з Антонам Шыпуліным, Яўгенам Гаранічавым і Яўгенам Усцюгавым.
Сезон 2012—2013
- 25 лістапада 2012 года на этапе Кубка свету ў Эстэрсундзе ў змяшанай эстафеце выйграў гонку разам з Вольгай Зайцавай, Вольгай Вілухінай і з Яўгенам Усцюгавым.
- 4 студзеня 2013 года на этапе Кубка свету ў Оберхофе атрымаў першую перамогу ў складзе мужчынскай эстафетнай каманды.
Сезон 2013/2014
- 5 студзеня ўпершыню трапіў у тройку лепшых, заняўшы ў Оберхофе 2-е месца ў мас-старце.
- 11 студзеня выйграў срэбра ў індывідуальнай гонцы, апярэдзіўшы Яўгена Усцюгава на 2 секунды.
Зноскі
- ↑ а б Волкаў — алімпійскі чэмпіён у эстафеце на Алімпійскіх гульнях у Сочы, вынікі гонак якіх не ідуць у залік кубка свету 2013/2014.
- ↑ «Алексей Волков — заслуженный мастер спорта России» — статья на rusbiathlon.ru.
- ↑ БРАТЬЯ ПО ОРУЖИЮ
- ↑ Алексей Волков: «На комбинезоне пока ничего писать не буду» Архівавана 11 красавіка 2009.
- ↑ Результаты гонок чемпионата России в Тюмени 2012 Архівавана 19 лютага 2014. на сайте СБР.
- ↑ Результаты гонок чемпионата России в Увате 2013 Архівавана 28 сакавіка 2013. на сайте СБР.
Спасылкі[правіць | правіць зыходнік]
- Аляксей Волкаў — профіль на сайце IBU (англ.)
- Профіль на сайце СБР
- Профіль на www.biastat.com Архівавана 23 сакавіка 2010.
- Профіль на афіцыйным сайце Федэрацыі біятлону Украіны
- Профіль на сайце Цэнтра спартыўнай падрыхтоўкі зборных каманд Югры
Катэгорыі:
- Нарадзіліся 5 красавіка
- Нарадзіліся ў 1988 годзе
- Асобы
- Нарадзіліся ў Ханты-Мансійскай аўтаномнай акрузе
- Спартсмены паводле алфавіта
- Біятланісты паводле алфавіта
- Біятланісты Расіі
- Алімпійскія чэмпіёны па біятлоне
- Алімпійскія чэмпіёны ад Расіі
- Чэмпіёны зімовых Алімпійскіх гульняў 2014 года
- Біятланісты на зімовых Алімпійскіх гульнях 2014 года
- Чэмпіёны Еўропы па біятлоне