Багуміл Кубішта

Багуміл Кубішта
Дата нараджэння	21 жніўня 1884(1884-08-21)[…]
Месца нараджэння	Praskačka[d], раён Градзец-Кралавэ[d], Чэхія
Дата смерці	27 лістапада 1918(1918-11-27)[…] (34 гады)
Месца смерці	Прага, Чэхаславакія
Месца пахавання	Градзец-Кралавэ
Грамадзянства	Аўстра-Венгрыя
Род дзейнасці	мастак, графік, публіцыст, мастацкі крытык
Мастацкі кірунак	экспрэсіянізм і кубізм
Подпіс
Медыяфайлы на Вікісховішчы

Багуміл Кубішта (чэшск.: Bohumil Kubišta; 21 жніўня 1884, Влчковіцэ — 27 лістапада 1918, Прага) — чэшскі мастак.

Жыццё і творчасць

Нарадзіўся 21 жніўня 1884 года. Вучыўся ў рэальным вучылішчы (1896—1903), затым — у школе прыкладнога мастацтва (1903—1905) у Празе. На яго першыя працы моцны ўплыў аказала творчасць Вінцэнта Ван Гога і Поля Сезана. У 1906—1907 гадах вывучае жывапіс у Фларэнцыі, потым вяртаецца ў Прагу. Кубішта, як і некалькі іншых чэшскіх мастакоў ягонага пакалення, быў моцна закрануты выставай Эдварда Мунка 1905 года. У Празе ўпершыню ўдзельнічае ў мастацкай выставе і разам з Эмілем Філа засноўвае мастацкую групу «Восем» («Osma»). Пасля паездкі ў Парыж у 1910 годзе мастак удзельнічае ў падрыхтоўцы выставы «незалежных» у Празе. Да 1910 года ён працаваў у стылі экспрэсіянізму.

У 1911 годзе Б.Кубішту ў Празе наведваюць члены мастацкай групы «Мост» Эрнст Людвіг Кірхнер і Ота Мюлер. У жніўні таго ж года Б.Кубішта далучаецца да членаў гэтай групы і ў 1912 годзе прымае ўдзел у выставах Зондэрбунда ў Кёльне і Берлінскай сецэсіён у Берліне. У гады Першай сусветнай вайны мастак быў прызваны ў аўстра-венгерскае войска; служыў у Пуле, Вене, Ярамержы, Любляне і Славакіі. За баявыя заслугі быў узнагароджаны ордэнам Леапольда.

Памёр у Празе 27 лістапада 1918 года ад іспанкі.