Брахіязаўр

? Брахіязаўр
Brachiosaurus altithorax (рэканструкцыя)
Навуковая класіфікацыя
Царства:	Жывёлы
Тып:	Хордавыя
Клас:	Паўзуны
Надпарадак:	Дыназаўры
Парадак:	Яшчаратазавыя
Падпарадак:	Sauropodomorpha
Інфрапарадак:	Заўраподы
Сямейства:	Brachiosauridae
Род:	Брахіязаўр
Навуковая назва
Brachiosaurus Riggs, 1903
Віды
B. altitorax Riggs, 1903 B. brancai Janensch, 1914 (Giraffatitan?)
Сістэматыка на ВікіВідах Пошук выяў у ВікіСховішчы

Брахіяза́ўр (лац.: Brachiosaurus; літаральна «плячысты яшчар») — вымерлы род расліннаедных дыназаўраў з групы заўрапод-макранарый, якія жылі ў канцы юрскага перыяду (каля 161,2 - 145,5 млн гадоў назад) на тэрыторыі цяперашняй Паўночнай Амерыкі і Афрыкі. Да адкрыцця сейсмазаўра, лічыўся самым высокім дыназаўрам.

Этымалогія

Назва Brachiosaurus паходзіць ад грэчаскіх слоў «стар.-грэч. βραχίων — плячо і стар.-грэч. σαῦρος — яшчарка.

Будова

Маленькая галава на канцы васьмімятровай шыі знаходзілася на вышыні 13 метраў. Ноздры брахіязаўра знаходзіліся на своеасаблівым паўкруглым касцявым грэбні вышэй вока. Верагодна, ноздры злучаліся з паветранымі мяшкамі, як у некаторых качканосых дыназаўраў. Пярэднія ногі брахіязаўра істотна даўжэй задніх, па вонкавым выглядзе яшчар нагадваў гіганцкага жырафа. Аднак яго шыя была накіравана не ўгару, а ўперад пад вуглом прыкладна 45 градусаў. Зубы магутныя, лыжкападобныя. Верагодна, яшчары карміліся лісцем дрэў.

Брахіязаўры жылі на тэрыторыі Паўночнай Амерыкі і Афрыкі (Танзанія) у канцы юрскай эпохі, але падобныя з імі яшчары (напрыклад, заўрапасейдон) дажылі да сярэдзіны крэйдавага перыяду ў Паўночнай Амерыцы і дасягнулі нават буйнейшых памераў, чым брахіязаўры.

Віды

Амерыканскі брахіязаўр (B. altitorax Riggs, 1903) — адзін з самых буйных заўрапод, даўжынёй да 27 метраў і вагай каля 50 тон.

У Берлінскім музеі імя Гумбальта выстаўлены шкілет 14-мятровага Brachiosaurus brancai (знойдзены на гары Тэндагуру ў Танзаніі), які зараз адносіцца да асобнага роду Giraffatitan.

Brachiosaurus nougaredi быў выдзелены Lapparent у 1960 годзе вызначаны як новы від брахіязаўра, апісаны па частцы крыжа і пярэдняй канечнасці, знойдзеных у мясцовасці Wargla у Алжыры. Пазней было ўстаноўлена, што гэтыя закамянеласці адносяцца да альбскага веку, і прыкладна на 40 мільёнаў гадоў маладзей Brachiosaurus altithorax і Giraffatitan. У наш час таксон пазначаны як nomen dubium, верагодна, з-за нізкай якасці выкапнёвага матэрыялу.

У 2003 годзе Герхардам Маерам (Gerhard Maier) у Indiana Univeristy Press быў апісаны новы род Abdallahsaurus, які ў наш час пазначаны як nomen nudum, а яго рэшткі адносяцца да Giraffatitan.

• 

  Скульптура

• 

  Шкілет брахіязаўра

Спасылкі

• palaeos.com