Варшаўская вышэйшая школа інфарматыкі
| Варшаўская вышэйшая школа інфарматыкі | |
|---|---|
| Warszawska Wyższa Szkoła Informatyki | |
 | |
| Арыгінальная назва | Warszawska Wyższa Szkoła Informatyki |
| Міжнародная назва | Warsaw School of Computer Science |
| Заснаваны | 2000 |
| Размяшчэнне | Варшава |
| Сайт | wwsi.edu.pl |
Варшаўская вышэйшая школа інфарматыкі — польская прыватная вышэйшая навучальная ўстанова з сядзібай у Варшаве.
Агульная характарыстыка[правіць | правіць зыходнік]
Гісторыя стварэння ўстановы бярэ свой пачатак у 1970-х гадах, калі на вул. Мілай, 7 у Варшаве працавалі курсы, якія займаліся навучаннем у такіх напрамках, як апрацоўка дадзеных, праграмнае забеспячэнне лічбавых машын і статыстыка. У 1992 годзе па гэтым адрасе была створана прафесійная навучальная ўстанова «Mila College», якая ў 2000 годзе была ператворана ў вышэйшую навучальную ўстанову. Змена сядзібы і назвы на сучасную адбылася ў 2004 годзе.
Варшаўская вышэйшая школа інфарматыкі з’яўляецца адзінай спецыялізаванай вышэйшай навучальнай установай у Польшчы, якая рэалізуе вышэйшыя інжынерныя, магістарскія і паслядыпломныя адукацыйныя праграмы выключна па адным кірунку — «Інфарматыка».
Да красавіка 2019 года дыпломы Варшаўскай вышэйшай школы інфарматыкі атрымалі 4083 выпускнікі, у тым ліку 2574 дыпломы інжынера-інфарматыка, 414 дыпломаў магістра інфарматыкі і 1095 пасведчанняў дадатковай і паслядыпломнай адукацыі. Па даных рэйтынга 2016 года, падрыхтаванага Міністэрствам навукі і вышэйшай адукацыі Польшчы, выпускнікі магістратуры Варшаўскай вышэйшай школы інфарматыкі з пункту гледжання памеру заработнай платы апынуліся на 12-м месцы ў Польшчы, апярэдзіўшы ў гэтым выпускнікоў многіх аўтарытэтных ВНУ.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Афіцыйная інтэрнэт-старонка ўстановы
