Гіпаліт Паланевіч

Гіпаліт Паланевіч
Дата нараджэння	10 (23) жніўня 1907
Месца нараджэння	Мінскі павет, Мінская губерня, Расійская імперыя
Дата смерці	24 кастрычніка 1997(1997-10-24) (90 гадоў)
Месца смерці	ЗША
Месца працы	Беларуская гімназія імя Янкі Купалы Інстытут вывучэння СССР
Альма-матар	Расійскі дзяржаўны педагагічны ўніверсітэт імя А. І. Герцэна (1932)

Гіпалі́т Палане́віч (псеўд.: Г.Няміга; 10 (23) жніўня 1907, Мінскі павет — 24 кастрычніка 1997, ЗША) — беларускі грамадска-культурны дзеяч, гісторык, педагог.

Біяграфія

Скончыў сярэднюю школу ў Менску, Ленінградскі педагагічны інстытут (1932).

Трапіў пад палітычныя рэпрэсіі, у 1936—1940 гадах вязень Ухта-Іжэмскага лагера НКУС Комі АССР. Пасля вызвалення працаваў у школе. У час нямецкай акупацыі настаўнічаў у Беларусі. З 1944 года ў эміграцыі. У 1946—1950 гадах супрацоўнік беларускай гімназіі імя Янкі Купалы ў Міхельсдорфе (амерыканская зона акупацыі, пазней Заходняя Германія).

У 1950 годзе пераехаў у ЗША, дзе скончыў універсітэт (1962). Працаваў у сістэме бібліятэк Нью-Ёрка. Адзін з арганізатараў беларускіх тэатральных груп у рэгіёне Нью-Ёрк—Нью-Джэрсі, беларускага каталіцкага руху ў ЗША. Аўтар артыкулаў пра гісторыю і адукацыю, навуку і культуру Беларускай ССР (апублікавана ў «Беларускім зборніку»). Супрацоўнік Інстытута вывучэння СССР (Мюнхен). Друкаваўся ў эмігранцкіх часопісах і газетах.

Творчасць

• Інстытут беларускай культуры — Беларуская Акадэмія навук — Акадэмія навук БССР. Мюнхен, 1957.

Літаратура

• Сяргеева Г. Паланевіч Гіпаліт // Энцыклапедыя гісторыі Беларусі. У 6 т.. — Мн. : БелЭн — С. 535—536.