Давід Іосіфавіч Розеншэйн
| Давід Іосіфавіч Розеншэйн | |
|---|---|
| Дата нараджэння | 1903 |
| Месца нараджэння | |
Давід Іосіфавіч Ро́зеншэйн (1903, Поразава, Свіслацкі раён, Гродзенская вобласць — пасля 1960) — дзеяч рэвалюцыйнага руху ў Заходняй Беларусі, журналіст.
Біяграфія[правіць | правіць зыходнік]
У 1920—1929 гадах сакратар Віленскіх гаркамаў КСМ Літвы і КПЗБ, 2-і сакратар Віленскага, сакратар Гродзенскага акруговых камітэтаў КПЗБ. Кіраваў цэнтральнай краёвай рэдакцыяй КПЗБ. З 1934 года рэдактар газеты «Чырвоны сцяг» і іншых выданняў КПЗБ і КСМЗБ на мовах насельніцтва Заходняй Беларусі. Тройчы (1921, 1929, 1936) арыштаваны польскімі ўладамі і асуджаны на розныя тэрміны зняволення. З кастрычніка 1939 года супрацоўнік абласной газеты «Вольная праца» ў Беластоку, у Вялікую Айчынную вайну — падпольнай газеты «Wolna Polska» («Свабодная Польшча») і «Wolnosc» («Свабода»). У 1953—1959 гадах на журналісцкай рабоце ў Мінску.
Заўвагі[правіць | правіць зыходнік]
Літаратура[правіць | правіць зыходнік]
- Іофе Э. Р. Ро́зеншэйн Давід Іосіфавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 400. — 10 000 экз. — ISBN 985-11-0035-8. — ISBN 985-11-0216-4 (т. 13).