Джувон Харысан

Джувон Харысан
Агульная інфармацыя
Пол	мужчынскі пол
Спецыялізацыя	скачок у вышыню і скачок у даўжыню[d]
Нарадзіўся	30 красавіка 1999(1999-04-30) (24 гады) Хантсвіл, Madison County[d], Алабама, ЗША
Грамадзянства	ЗША
Альма-матар	Луізіянскі дзяржаўны ўніверсітэт
IAAF	14785286
Медыяфайлы на Вікісховішчы

Джувон Харысан (англ.: JuVaughn Harrison; нар. 30 красавіка 1999 г., Хантсвіл, Алабама) — амерыканскі лёгкаатлет, скакун у вышыню і ў даўжыню. Сярэбраны прызёр чэмпіянату свету 2023 года. Удзельнік летніх Алімпійскіх гульняў 2020 года.

Біяграфія

Харысан вучыўся ў Калумбійскай сярэдняй школе ў Хантсвілі, штат Алабама.

У 2018 годзе на юніёрскім чэмпіянаце свету ў Фінляндыі ў скачках у вышыню ён з вынікам 2,23 метра стаў бронзавым прызёрам.

27 чэрвеня 2021 года Харысан стаў пераможцам як у скачках у даўжыню, так і ў вышыню на Алімпійскім нацыянальным адборачным турніры ЗША ў Юджыне. На летніх Алімпійскіх гульнях 2020 года ён стаў першым амерыканцам з часоў Джыма Торпа ў 1912 годзе, які ўдзельнічаў на Алімпійскіх гульнях як у скачках у даўжыню, так і ў вышыню. У вышыні з вынікам 2,33 метра стаў сёмым, а ў даўжыні з вынікам 8,15 метраў заняў выніковае пятае месца.

У 2023 годзе Харысан заваяваў сярэбраны медаль на чэмпіянаце свету па лёгкай атлетыцы ў Будапешце, заняўшы другое месца пасля дзейнага алімпійскага чэмпіёна Джанмарка Тамберы з Італіі, нягледзячы на тое, што таксама як і еўрапеец пераадолеў тыя ж 2,36 метра вышыні.