Дом па вуліцы Карла Маркса, 20 (Брэст)

Славутасць
Дом па вуліцы Карла Маркса, 20
52°05′43″ пн. ш. 23°41′08″ у. д.
Краіна	Беларусь
Месцазнаходжанне	Брэст
Дата пабудовы	XIX—XX
Статус	Гісторыка-культурная каштоўнасць Беларусі, шыфр 112Е000002
Медыяфайлы на Вікісховішчы

Дом па вуліцы Карла Маркса, 20 — будынак у Брэсце, размешчаны ў гістарычным цэнтры горада. Пабудаваны ў другой палове XIX — пачатку XX ст. з цэглы. У савецкі час у будынку быў дзіцячы сад.

Архітэктура

Аднапавярховы мураваны будынак. Пабудаваны як гарадскі асабняк. Вылучаецца з усёй забудовы вуліцы. Кампазіцыйны акцэнт дома чатырохкалонны дарычны порцік з трохвугольным франтонам, у тымпане якога — лучковы аконны праём. Па бакавых фасадах несапраўдныя порцікі з дарычнымі пілястрамі. Галоўны фасад фланкіраваны 2 паўкруглымі эркерамі, паміж якімі трохчвэртныя калоны дарычнага ордара. Будынак завершаны карнізам з паяском сухарыкаў.

Мемарыяльныя дошкі

Мемарыяльная дошка Пятру Машэраву

На будынку ўстаноўлена мемарыяльная дошка ў гонар Пятра Машэрава, які жыў у ім 1955—1959 гадах.

Літаратура

• 27. Забудова вуліцы Карла Маркса // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі

• На Вікісховішчы ёсць медыяфайлы па тэме Дом па вуліцы Карла Маркса, 20 (Брэст)