Княжпагосцкі раён

Княжпагосцкі раён
Княжпагосцкі раён
Герб	Сцяг[d]
Краіна	Расія;
Уваходзіць у	Рэспубліка Комі;
Адміністрацыйны цэнтр	Емва;
Дата ўтварэння	14 ліпеня 1939
Насельніцтва	19 013 чал. (1 студзеня 2018);
Плошча	25 080 км²;
Часавы пояс	MSD
Тэлефонны код	82139
Афіцыйны сайт
	Медыяфайлы на Вікісховішчы

Княжпагосцкі раён (руск.: Княжпогостский район, комі: Княжпогост район) — муніцыпальнае ўтварэнне і адміністрацыйна-тэрытарыяльная адзінка ў рэспубліцы Комі, Расія.

Геаграфія[правіць | правіць зыходнік]

Раён размешчаны на захадзе рэспублікі. Мяжуе з Вусць-Цылемскім, Іжэмскім, Корткераскім, Сыктыўдзінскім, Вусць-Вымскім, Удорскім раёнамі, а таксама з гарадской акругай Ухта. Плошча раёна складае 25 080 км². На тэрыторыі раёна працякаюць рэкі Вым, Елва, Мезень, Варыква, Вясляна, Тобысь і Ухта.

Гісторыя[правіць | правіць зыходнік]

Гісторыя мясцовасці пачынаецца на мяжы XV і XVI стагоддзяў, калі комі-зыранскія вымскія князі заснавалі пагост Княж. Менавіта ад назвы пагоста Княж паходзіць старая назва раённага цэнтра — горада Емва — Княжпагост, а разам з ёй і назва раёна. З XVII стагоддзя ў мясцовасці вядомая солездабыўная прамысловасць.

Першапачаткова тэрыторыя раёну ўваходзіла ў Валагодскую і Архангельскую губерні, пасля ўтварэння СССР — у Вусць-Вымскі павет Аўтаномнай вобласці Комі (Зыран). 14 ліпеня 1939 года раён утвораны ў сучасных межах шляхам вылучэння яго тэрыторыі з Вусць-Вымскага павета.

Дэмаграфія[правіць | правіць зыходнік]

Насельніцтва раёна складае 25 066. Большасць насельніцтва — комі, працэнтная доля якіх складае прыкладна 75%. Большасць вернікаў — праваслаўныя.

Адміністрацыйны падзел[правіць | правіць зыходнік]

У склад раёна ўваходзяць 2 гарадскія і 10 сельскіх паселішчаў.

Назва	Адміністрацыйны цэнтр
Важаельскае с/п	п. Важаель
Вецьюскае с/п	п. Вецью
Емвінскае м/п	г. Емва
Іёсерскае с/п	п. Іёсер
Княжпагосцкае с/п	с. Княжпагост
Мяшчурскае с/п	п. Мяшчура
Сіндорскае м/п	пгт Сіндор
Сярогаўскае с/п	с. Сярогава
Трактаўскае с/п	п. Тракт
Тур’інскае с/п	с. Тур’я
Чыньяворыцкае с/п	п. Чыньяворык
Шошкінскае с/п	с. Шошка

Транспарт[правіць | правіць зыходнік]

Праз раён праходзіць значная чыгуначная лінія — Паўночная чыгунка. Яна звязвае Емву з Ухтой, Мікунню, а таксама з пасёлкамі Чыньяворык, Іёсер, Сіндор і Тракт.

Таксама ў раёне існуюць аўтадарогі, якія звязваюць населеныя пункты раёна з Мікунню, Сыктыўкарам, Ухтой і некаторымі іншымі раённымі цэнтрамі Комі.