Музей баявой і працоўнай славы Акцябрскай СШ
Музей баявой і працоўнай славы Акцябрскай СШ | |
---|---|
Заснаваны | 1984 |
Месцазнаходжанне | аграгарадок Акцябрскі |
Музей баявой і працоўнай славы Акцябрскай СШ. Адкрыты ў 1984 ў гонар 40-годдзя вызвалення раёна ад нямецкіх войскаў. Мае два раздзелы: працоўнай славы і баявой славы.
У першым раздзеле прадстаўлены матэрыялы, прысвечаныя ўзнікненню першых камун у вёсках Васюты і Шульцава і ўтварэнню на іх базе першага калгаса; узнікненню ў 1959 на аснове калгаса «Віцебскі» саўгаса «Сялюты»; лепшым людзям гаспадаркі. Другі раздзел прысвечаны ўдзельнікам грамадзянскай вайны — ураджэнцам Акцябрскага сельскага Савета; нашым землякам — удзельнікам баёў за Маскву і Сталінград; аперацыі «Баграціён»; Дню Перамогі.
У музеі захоўваюцца лісты франтавікоў, іх успаміны, спісы 262-й стралковай дывізіі , якая вызваляла вёску Шапуры, спісы пахаваных у брацкіх магілах, успаміны родных і сяброў, падарункі ветэранаў школе.
Літаратура[правіць | правіць зыходнік]
- Музеі Віцебскага раёна // Памяць: Віцебскі раён: Гісторыка-дакументальная хроніка гарадоў і раёнаў Беларусі / Рэдкал.: А. П. Красоўскі [і інш.]; Укл. У. І. Мезенцаў; Маст. Э. Э. Жакевіч. — Мн.: Мастацкая літаратура, 2004. — 772 с.: іл. — С. 719. — ISBN 985-02-0647-0.