Мікалай Пятровіч Аўдошка

Мікалай Пятровіч Аўдошка
Дата нараджэння	12 сакавіка 1934(1934-03-12) (90 гадоў)
Месца нараджэння	Мяніца, Вароніцкі сельсавет, Полацкі раён, БССР, СССР
Грамадзянства	Беларусь
Альма-матар	Наваполацкі дзяржаўны політэхнічны тэхнікум
Узнагароды і прэміі

Мікалай Пятровіч Аўдошка (нар. 12 сакавіка 1934, в. Мяніца, Полацкі раён) — беларускі савецкі будаўнік.

Біяграфія

Скончыў Полацкі нафтавы тэхнікум. У 1954, 1957—1958 гадах — інструктар Ветрынскага РК ЛКСМБ. У 1954 годзе быў прызваны ў Савецкую армію. Пасля звальнення ў запас у 1958 годзе працаваў інструктарам Ветрынскага райкама, а затым Полацкага ГК КПБ. У 1960 годзе быў абраны сакратаром парткама саўгаса «Банонь» Полацкага раёна. З 1963 года працаваў майстрам упраўлення вытворча-тэхналагічнай камплектацыі, намеснікам старшыні пострайкама прафсаюза, намеснікам дырэктара завода ЖБВ Наваполацкага трэста № 16 «Нафтастрой».

Пасля заканчэння ў 1969 годзе Ленінградскай Вышэйшай прафсаюзнай школы працаваў начальнікам будаўнічага ўпраўлення трэста № 24 «Спецмантажстрой». З 1976 года — кіраўнік Светлагорскага будтрэста № 20 Гомельскай вобласці. З 1980 года — намеснік начальніка Гомельскага домабудаўнічага камбіната. З 1988 года — намеснік старшыні калгаса «Шлях да камунізму» в. Лапаціна Гомельскага раёна.

Член-карэспандэнт Беларускай інжынернай акадэміі. Указам Прэзідыума Вярхоўнага Савета СССР Аўдошка М. П. было прысвоена званне Героя Сацыялістычнай працы (прадстаўлены да звання ў 1979 годзе, атрымаў медаль у 2001 годзе).

Узнагароды

• Ордэн Леніна
• Ордэн Працоўнага Чырвонага Сцяга
• медаль «За доблесную працу»
• нагрудны знак «За заслугі ў будаўніцтве»

Літаратура

• Авдошко Николай Петрович // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2010. — Т. 2 : Витебская область : в 2 кн. — Кн. 1. — С. 6.
• Авдошка Николай Петрович // Слава и гордость земли Витебской : биографический справочник / сост. М. Н. Пригожий; редкол.: М. П. Кузьмич [и др.]. — Витебск : Витебская областная типография, 2009. — С. 192.
• Ашковдо Николай Петрович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов; под общ. ред. А. Н. Новикова. — Минск : БелЭн імя П. Броўкі, 2014. — С. 26.