Мінесоцкі ўніверсітэт у Дулуце

Мінесоцкі ўніверсітэт у Дулуце
англ.: University of Minnesota Duluth
Арыгінальная назва	англ.: University of Minnesota Duluth
Заснаваны	1947
Студэнты	11 200 і 10 858
Размяшчэнне	Дулут, Мінесота, ЗША
Сайт	d.umn.edu
Медыяфайлы на Вікісховішчы

Мінесоцкі ўніверсітэт у Дулуце (англ.: University of Minnesota Duluth) — амерыканская дзяржаўная вышэйшая навучальная ўстанова са статусам універсітэта, які месціцца ў горадзе Дулут у штаце Мінесота, ЗША.

Агульная характарыстыка

Універсітэт у Дулуце з'яўляецца часткай сістэмы Мінесоцкага ўніверсітэта і прапануе 17 ступеняў бакалаўра па 87 спецыяльнасцях, магістратуру па 24 розных галінах, а таксама двухгадовую праграму ў школе медыцыны і чатырохгадовую праграму фармацэўтычнага каледжа.

Кампус універсітэта складаецца з больш чым 50 будынкаў на 99 гектарах зямлі з выглядам на возера Верхняе. Большасць будынкаў кампуса злучаныя крытымі пераходамі. Універсітэт таксама мае музей мастацтва, планетарый, мюзік-хол, цэнтр выканальніцкіх мастацтваў і інш

Структура

• Каледж адукацыі і сацыяльных паслуг
• Каледж мастацтваў і сацыяльна-гуманітарных навук
• Школа бізнесу і эканомікі
• Каледж навукі і інжынерыі
• Школа медыцыны
• Каледж фармацыі
• Школа магістратуры

Гл. таксама

• Спіс універсітэтаў штата Мінесота

Спасылкі

• На Вікісховішчы ёсць медыяфайлы па тэме Мінесоцкі ўніверсітэт у Дулуце
• Афіцыйная інтэрнэт-старонка ўстановы