Палярынка

Міністранты ў комжах і пелярынках.

Паляры́нка, або пелярынка — дэталь аблачэння міністранта (юнака, які прыслужвае ксяндзу ў час набажэнства, дапамагае яму ва ўсіх пастырскіх абавязках). Палярынкі надзяваюцца на комжу і бываюць розных колераў, у залежнасці ад набажэнства і свята: белыя, чырвоныя, зялёныя, фіялетавыя, чорныя. Палярынка павінна быць такога ж колеру, як і арнат у ксяндза.

Літаратура

• Завальнюк У.М. Энцыклапедычны слоўнік рэлігійнай лексікі беларускай мовы / У. М. Завальнюк, М. Р. Прыгодзіч, В. К. Раманцэвіч. — Мінск, Изд-во Гревцова, 2013. — 808 с. ISBN 978-985-6954-73-6.