Партрэт Льва Сапегі

	невядома
	Партрэт Льва Сапегі. 1617(?)
Матэрыял	палатно і алейныя фарбы
Памеры	102 × 79,5 см
	Нацыянальны гістарычны музей Рэспублікі Беларусь

Партрэт Льва Сапегі — карціна невядомага мастака, напісаная меркавана ў 1617 годзе. Гэта адзіны прыжыццёвы партрэт^[1] Льва Іванавіча Сапегі (1557—1633), дзяржаўнага і вайсковага дзеяча Вялікага Княства Літоўскага. Захоўваецца ў калекцыі Нацыянальнага гістарычнага музея Рэспублікі Беларусь. Памер карціны — 102 × 79,5 см^[2].

Захоўваўся ў калекцыі Беларускага музея імя Івана Луцкевіча ў Вільні. Пасля расфарміравання музея ў 1944 годзе партрэт Льва Сапегі апынуўся ў беларускага мастака Пётры Сергіевіча (1900—1984) разам з шэрагам унікальных дакументаў XVI стагоддзя^[1]. 19 красавіка 1968 года ад мастака Сергіевіча з Вільнюса партрэт паступіў у Дзяржаўны музей БССР^[2].

Апісанне[правіць | правіць зыходнік]

На партрэце справа ўверсе — прыватны герб Льва Сапегі, пяціпольны з лабрамі^[3]. У сэрцавым полі — родавы герб «Ліс»; у правым верхнім геральдычным полі — «Сапега» (тры лілеі), верагодна, герб Фёдара Іванавіча, дзеда канцлера; у левым верхнім геральдычным полі — «Пагоня», герб Ганны Сангушкі^[d], бабкі па лініі бацькі; у правым ніжнім геральдычным полі — «Друцк» (меч лязом уніз у атачэнні чатырох паўмесяцаў), герб Багданы Друцкай-Сакалінскай, маці канцлера; у левым ніжнім геральдычным полі — «Талачынскі» (сагнутая ў локці рука рыцара, працятая стралой), герб бабкі па лініі маці Настассі Юр'еўны Друцкай-Талачынскай^[d]^[2].

Герб на партрэце не адпавядае класічным патрабаванням геральдыкі: ніжнія палі памяняліся месцамі ў адрозненне ад гравюрнай класічнай выявы асабістага герба Л. Сапегі ў выданні Статута Вялікага Княства Літоўскага 1588 года^[2].

Над гербам і пад ім надпісы ў 3 і 2 радкі: «LEO SAPIEHA CANCELL // M.D.Lit. MOHIL. BЕRES // CAPITANEVS /// ǼTATIS SVǼ 60 // ANNO DNI/ 16.1.6» («Леў Сапега канцлер // ВКЛіт.[оўскага] Магіл.[ёўскі] Берас[цейскі] стараста /// Веку свайго 60 // Року Панскага 16.1.6»)^[2].

Зноскі

↑ ^а ^б Портрет Льва Сапеги
↑ ^а ^б ^в ^г ^д 4 красавіка 1557 года нарадзіўся Леў Сапега. Сёлета яму спаўняецца 464 гады // Нацыянальны гістарычны музей Рэспублікі Беларусь
↑ лабры — мудрагелістыя кампазіцыі са стужачак

Спасылкі[правіць | правіць зыходнік]

4 красавіка 1557 года нарадзіўся Леў Сапега. Сёлета яму спаўняецца 464 гады // Нацыянальны гістарычны музей Рэспублікі Беларусь

[histmuseum1-1] а ^б Портрет Льва Сапеги

[histmuseum-2] а ^б ^в ^г ^д 4 красавіка 1557 года нарадзіўся Леў Сапега. Сёлета яму спаўняецца 464 гады // Нацыянальны гістарычны музей Рэспублікі Беларусь

[3] лабры — мудрагелістыя кампазіцыі са стужачак

[1]

[2]

[3]