Рамбутан
| Рамбутан | ||||||||||||||
 |
||||||||||||||
| Навуковая класіфікацыя | ||||||||||||||
|---|---|---|---|---|---|---|---|---|---|---|---|---|---|---|
| Царства: | ||||||||||||||
| Аддзел: | ||||||||||||||
| Клас: | ||||||||||||||
| Род: | ||||||||||||||
| Навуковая назва | ||||||||||||||
|
Nephelium lappaceum L. |
||||||||||||||
|
||||||||||||||
Рамбутан (Nephelium lappaceum) — пладовае трапічнае дрэва сямейства сапіндавыя, родам з Паўднёва-Усходняй Азіі, культывуецца ў шматлікіх краінах гэтага рэгіёну.
Назва расліны паходзіць ад інданезійскага слова rambut, што ў перакладзе азначае «волас», з-за вонкавага выгляду пладоў.
Батанічнае апісанне [правіць]
Вечназялёнае дрэва вышынёй да 25 метраў з шырокай разгалістай кронай. Лісце парнаперыстае, з 2-8 авальнымі або яйкападобнымі скурыстымі лісцінкамі. Кветкі вельмі дробныя, сабраны ў разгалінаваныя суквецці на канцах галін.
Плады круглявыя або авальныя, памерам 3-6 см, растуць гронкамі да 30 штук. Па меры паспявання змяняюць афарбоўку з зялёнай на жоўта-аранжавую, а затым ярка-чырвоную. Пакрытыя шчыльнай, але лёгкаачышчальнай ад мякаці лупінай, абсыпанай шорсткімі, загнутымі на канцах кручком валасінкамі цёмна- або светла-карычневага колеру, даўжынёй да 2 см. Мякаць халадцападобная, белая або крыху чырванаватая, духмяная, прыемнага кісла-салодкага смаку. Насенне буйное, авальнае, даўжынёй да 3 см, карычняватага колеру.
