Сцяг Петрыкава

Петрыкаў
Беларусь
Зацверджаны	20 лютага 2001
Прапорцыя	1:2

Сцяг Петрыкава — афіцыйны геральдычны сімвал горада Петрыкаў Гомельскай вобласці. Сцяг зацверджаны Указам Прэзідэнта Рэспублікі Беларусь ад 20 лютага 2001 года № 49.

Апісанне

Прамавугольнае палотнішча з суадносінамі бакоў 1:2, якое складаецца з дзвюх роўнавялікіх гарызантальных палос: у верхняй чырвонай — жоўты ключ бародкай дагары, у ніжняй блакітнай — белы ключ бародкай уніз.

Сцяг г. Петрыкава і Петрыкаўскага раёна і палажэнні аб іх былі ўхвалены рашэннямі Петрыкаўскага раённага выканаўчага камітэта ад 25 ліпеня 2000 года № 424 і Сесіі раённага Савета дэпутатаў ад 27 верасня 2000 года № 39. Аўтар герба Р. С. Жаўняркевіч, мастак А. У. Леўчык.

Гл. таксама

• Герб Петрыкава