ТОЗ-8
ТОЗ-8 | |
---|---|
Апісанне | |
Тып: | Малакаліберная вінтоўка |
Краіна: | СССР |
Гады эксплуатацыі: | З 1930-х |
Мадыфікацыі: |
Тоз-8M Тоз-9 Тоз-11 Тоз-12 Тоз-16 |
Гісторыя мадэлі | |
Канструктар: | Д.М.Качатаў |
Усяго выраблена: | каля 1 000 000 |
Выраблялася: | Тульскі зброевы завод |
Характарыстыкі | |
Маса, кг: | 3,12 |
Даўжыня, мм: | 1120 |
Даўжыня ствала, мм: | 640 |
Калібр, мм: | 5.6 |
Патроны: | .22 Long Rifle |
Тып агню: | адзінкавы |
Прынцып дзеяння: | падоўжна-слізготны затвор |
Прыцэльная дальнасць стральбы, м: | 250 м |
Прыцэл: | адкрыты |
Характарыстыкі пры выкарыстанні стандартнага патрона | |
Пачатковая хуткасць кулі, м/с: | 280 - 350 м/с |
Артыкул вымагае праверкі арфаграфіі Удзельнік, які паставіў шаблон, не пакінуў тлумачэнняў. |
ТОЗ-8 (індэкс ГАК СССР - 56-У-834) - савецкая адназарадная малакаліберная спартыўная вінтоўка ўзору 1932 года пад патрон 5,6 мм колцавага ўзгарання
Гісторыя[правіць | правіць зыходнік]
Вінтоўка была распрацавана канструктарам-збройнікам Д. М. Качатавым і серыйна выраблялася на Тульскім зброевым заводзе.
Пасля пачатку Вялікай Айчыннай вайны прамысловасць СССР была пераарыентавана на выпуск прадукцыі ваеннага прызначэння і вытворчасць спартыўна-паляўнічай зброі была спынена. У снежні 1943 года Тульскі зброевы завод атрымаў заданне аднавіць вытворчасць спартыўна-паляўнічай зброі, і ў студзені 1944 года бюро Тульскага абкама ВКП(б) разгледзела пытанне аб арганізацыі вытворчасці ТОЗ-8 і выпуск вінтоўкі аднавілі[1] (у тым ліку, на экспарт)[2].
У СССР ТОЗ-8 на працягу дзесяцігоддзяў шырока выкарыстоўвалася для пачатковага навучання стральбе ў цірах і сістэме ДТСААФ. Таксама яна выкарыстоўваецца для палявання на дробную дзічыну.
Канструкцыя[правіць | правіць зыходнік]
ТОЗ-8 адрозніваецца прастатой канструкцыі, якая з'яўляецца безадмоўнай і надзейнай у эксплуатацыі.
У ствольнай каробцы размешчаны затвор і спускавы механізм. Падоўжна-слізготны паваротны затвор выкарыстоўваюць для таго, каб дасылаць патрон у патроннік, зачыняць канал ствала, праводзиць стрэл, выкідваць адстраляную гільзу.
Баявыя ўпоры адсутнічаюць, замыканне ажыццяўляецца за ручку зараджання.
Спускавым механізмам здзяйсняецца спуск курка з баявога ўзвода. Спускавы кручок замацаваны на заднім канцы спускавой спружыны, знізу. Пры націску спускавы кручок упіраецца сваімі выступамі ў ствольную скрынку і апускае ўніз спускавую спружыну са стойкай, чым вызваляе курок, які разам з ударнікам рухаецца наперад пад дзеяннем баявой спружыны і прышпільвае закраіну гільзы патрона (якая змяшчае ініцуючы зарад) - адбываецца стрэл. Прыцэльныя прынады ўключаюць мушку і адкрыты сектарны прыцэл. Тыльная крышка абараняе вочы стрэлка ад апёку ў выпадку прарыву газу падчас стральбы.
Ложа злучае ўсе часткі вінтоўкі і служыць для зручнасці пры стральбе; мае прыклад, шыйку, цаўё.
У цяперашні час некаторая колькасць вінтовак ТОЗ-8 маецца ў цывільным абарачэнні як паляўнічы наразны карабін у нязменным выглядзе.
Варыянты і мадыфікацыі[правіць | правіць зыходнік]
- ТОЗ-8М - Спартыўна-паляўнічая мадэль з даўжынёй ствала 600-640 мм, сектарным прыцэлам і ложам з паўпісталётнай шыйкай з бярозы, выпуск быў пачаты ў 1954 годзе
- ТОЗ-8-01 - спартыўная вінтоўка
- ТОЗ-8ОПФ - карабін паляўніча-прамысловы вытворчасці НВА «Форт»
- ТОЗ-9 - пяцізарадная спартыўная магазінная вінтоўка, распрацаваная Д.М.Качатавым ў 1933 годзе на аснове канструкцыі ТОЗ-8
- ТОЗ-11 - палегчаны варыянт спартыўнай вінтоўкі ТОЗ-8 для паляўнічых-промыславікоў, распрацавана ў 1946 годзе канструктарам К.І.Шыхватавым у Тульскім канструктарскім бюро спартыўнай і паляўнічай зброі. Маса вінтоўкі была паменшана да 2 кг, усталяваная бярозавая ложа новага ўзору. Выраблялася ў 1946-1957 гадах
- ТОЗ-12 - мадэль з дыяптрычным прыцэлам, распрацаваная Д.М.Качатавым на аснове канструкцыі мадэлі ТОЗ-8М.
- ТОЗ-16 - паляўнічая вінтоўка, распрацаваная на аснове канструкцыі ТОЗ-8М з улікам вопыту вытворчасці і эксплуатацыі ТОЗ-11.
Артыкулу нестае спасылак на крыніцы. |
Зноскі
- ↑ Е. Сабинин. Охотничье оружие Тулы // журнал «Охота и охотничье хозяйство», № 11, 1977. стр.26-28
- ↑ Охотничье оружие европейского производства // «Охота и охотничье хозяйство», № 12, 1968. стр.26-29