Таццяна Сяргееўна Процька

Таццяна Сяргееўна Процька
Дата нараджэння	8 лютага 1951(1951-02-08) (73 гады)
Месца нараджэння	Мінск, БССР, СССР
Грамадзянства	Беларусь
Род дзейнасці	фізік, праваабаронца
Месца працы	Беларускі Хельсінкскі камітэт Інстытут гісторыі НАНБ
Навуковая ступень	кандыдат філасофскіх навук (1983)
Альма-матар	фізічны факультэт БДУ

Таццяна Сяргееўна Процька (8 лютага 1951, Мінск) — беларускі фізік, праваабаронца. Кандыдат філасофскіх навук (1983).

Біяграфічныя звесткі

Скончыла фізічны факультэт БДУ і аспірантуру Інстытута філасофіі і права НАН Беларусі. Тэма кандыдацкай дысертацыі — «Змена структуры фізічных ведаў у працэсе іх развіцця». Больш за 20 год працавала старшым навуковым супрацоўнікам Інстытута гісторыі НАН Беларусі.

Аўтар больш за 50 навуковых прац па гісторыі і метадалогіі фізікі, гісторыі Беларусі, артыкулаў па правах чалавека. Старшыня БХК з 1995 (з моманту заснавання арганізацыі) да 2008 года.

Узнагароджаная медалём Ф. Багушэвіча Беларускага ПЭН-цэнтра.

Выбраная бібліяграфія

• Эксперыментатар з Беластоцкай гімназіі: Кароль Чаховіч. — Мн.: Навука і тэхніка, 1990.
• Даследчык таямніцаў святла: Аляксандр Садоўскі. — Мн.: Навука і тэхніка, 1994.
• Пакутнік за веру і бацькаўшчыну: Мітрапаліт Мельхісэдэк. — Мн.: Тэхналогія, 1996.
• Вынішчэнне сялянства: вёска Усходняй Беларусі пад цяжарам бальшавіцкіх рэпрэсій 30-х гадоў. — Мн.: БГАКЦ, 1998.
• Правы чалавека: Дапам. для настаўнікаў / С.С.Бубен, Т.С.Процька. — Мн.: Тэхналогія, 2001. — 366 с.
• Становление советской тоталитарной системы в Беларуси. — Мн.: Тесей, 2002. — 686 с.

Спасылкі

• Праз фізіку і філасофію — да абароны правоў чалавека — spring96.org