Эдвард Пятровіч Рожка
| Эдвард Пятровіч Рожка | |
|---|---|
| Дата нараджэння | 4 мая 1936 |
| Месца нараджэння | |
| Дата смерці | 2017 |
| Грамадзянства | |
| Альма-матар | |
| Узнагароды і прэміі |
    |
Эдвард Пятровіч Рожка (4 мая 1936, в. Андрэеўцы, Смаргонскі раён, Гродзенская вобласць — 2017) — работнік сельскай гаспадаркі (брыгадзір, загадчык вытворчага ўчастка), Герой Сацыялістычнай Працы (1976).
Біяграфія[правіць | правіць зыходнік]
Пасля заканчэння сярэдняй школы быў прызваны ў армію. Служыў у Ваенна-марскім флоце. Пасля звальнення ў запас працаваў у сельсавеце вёскі Андрэеўцы, затым узначальваў мясцовае аддзяленне сувязі. У 1965 годзе скончыў курсы брыгадзіраў сельскай гаспадаркі і ўзначаліў паляводчую брыгаду, а потым вытворчы ўчастак калгаса «Светлы шлях» у сяле Паляны Смаргонскага раёна. У 1974 годзе атрымаў дыплом Навагрудскага сельскагаспадарчага тэхнікума. Актыўна ўкараняў у вытворчасць новыя гатункі ячменю і жыта, выкарыстоўваў дасягненні навукі.
Узнагароды[правіць | правіць зыходнік]
Указам Прэзідыума Вярхоўнага Савета СССР ад 27 снежня 1976 г. за выдатныя поспехі, дасягнутыя ва Усесаюзным сацыялістычным спаборніцтве, праяўленую працоўную доблесць у выкананні планаў і сацыялістычных абавязацельстваў па павелічэнні вытворчасці і продажу дзяржаве збожжа, бульбы і іншых сельскагаспадарчых прадуктаў у 1976 г. Эдварду Пятровічу Рожку прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».
Узнагароджаны двума ордэнамі Леніна (1973, 1976), Працоўнага Чырвонага Сцяга (1984), «Знак Пашаны» (1971), медалямі.
Зноскі
Літаратура[правіць | правіць зыходнік]
- Белорусская ССР : краткая энциклопедия : в 5 т. — Минск, 1982. — Т. 5. — С. 532.
- Верность земле : сборник очерков / сост.: М. Ф. Давыдик, В. К. Садовский, В. Ф. Ходанович. — Минск,1984. — С. 140—151.
- Заслуженные аграрии Гродненщины / [Гродненский областной исполнительный комитет]. — Гродно, 2010. — С. 41.
- Книга героев Гродненской области / сост.: Ю. М. Алексей, О. М. Якубович. — Гродно, 2004. — С. 139.
- Памяць : Смаргонскі раён : гісторыка-дакументальныя хронікі гарадоў і раёнаў Беларусі / укладальнік М. Л. Майсевіч. — Мінск, 2004. — С. 503.
- Подвиг длиною в жизнь : биографический справочник о почетных гражданах белорусских городов / В. Д. Долготович, Ю. В. Солонович. — Минск, 2020. — С. 442—443.
- Регионы Беларуси : энциклопедия : в 7 т. — Минск, 2015. — Т. 4. кн. 2 : Гродненская область. — С. 300.
- Твои герои, Беларусь! Герои Социалистического Труда : биографический справочник. — Минск, 2014.- С. 189.