Элінар Дэшвуд

Элінар Дэшвуд
англ.: Elinor Dashwood
Стваральнік:	Джэйн Осцін
Творы:	«Розум і пачуцці»
Пол:	жаночы
Нацыянальнасць:	англічанка
Узрост:	19
Сям’я:	містэр Дэшвуд (бацька), Джон Дэшвуд (зводны брат), Марыяна і Маргарэт (сёстры)
Ролю выконвае:	Джаана Дэвід (1971), Ірэн Рычард (1981), Эма Томпсан (1995), Табу (2000), Хэці Морахэн (2008)

Элінар Дэшвуд (англ.: Elinor Dashwood) — выдуманы персанаж і адна з галоўных гераінь рамана Джэйн Осцін «Розум і пачуцці».

Элінар Дэшвуд — разумная і стрыманая старэйшая дачка містэра і місіс Генры Дэшвуд. Яна прадстаўляе «розум» з назвы рамана. У пачатку кнігі ёй 19 гадоў. Яна прывязваецца да Эдварда Фэрарса, швагра яе старэйшага зводнага брата Джона. Яна па-сяброўску сімпатызуе палкоўніку Брэндану, шматпакутнаму прыхільніку і будучаму мужу Марыяны. Заўсёды маючы вострае пачуццё адказнасці перад сваёй сям’ёй і сябрамі, яна ставіць іх дабрабыт і інтарэсы вышэй за свае і падаўляе ўласныя моцныя пачуцці, так што іншыя парой лічаць яе абыякавай або раўнадушнай. Заўсёды высакародная, яна лічыць сябе не ў праве раскрыць таемныя заручыны Люсі Сціл з Эдвардам, нават калі гэта прычыняе ёй вялікія пакуты. Нягледзячы на тое, што апавяданне ў кнізе вядзецца ад 3-й асобы, галоўным чынам адлюстроўваецца пункт гледжання Элінар. Такім чынам, апісанне большасці герояў і падзей рамана адлюстроўвае думкі і разуменне Элінар.

Элінар Дэшвуд стала гераіняй шматлікіх экранізацый «Розуму і пачуццяў». У тэлесерыяле 1971 года яе іграе Джаана Дэвід, у тэлесерыяле 1981 года — Ірэн Рычард, у фільме 1995 года — Эма Томпсан, у індыйскай адаптацыі 2000 года — Табу, а ў тэлесерыяле 2008 года — Хэці Морахэн.