Amon Amarth

З пляцоўкі Вікіпедыя
Перайсці да: рух, знайсці
Amon Amarth
фота
Жанры

меладычны дэз-метал

Гады

1992 — па наш час

Краіна

Flag of Sweden.svg Швецыя

Адкуль

Тумба

Лэйблы

Metal Blade

Склад

Ёхан Хег, Олаві Міканен, Тэд Лундстром, Ёхан Содэрберг, Фрэдрык Андэрсан

Акцёры

Ёхан Хег, Олаві Міканен, Тэд Лундстром, Ёхан Содэрберг, Фрэдрык Андэрсан

Сайт

http://amonamarth.com

Amon Amarth — шведскі рок-гурт, які грае ў жанры «меладычны дэз-метал». Назва гурта значыць «Фатальная гара» на сіндарыне, эльфійскай мове, і адсылае да гары Арадруін з «Уладара Пярсцёнкаў». Асноўнай тэматыкай групы з'яўляецца германа-скандынаўская міфалогія, набліжаючы музычны калектыў таксама да жанру «вікінг-метал».

Гісторыя[правіць | правіць зыходнік]

Гурт быў заснаваны ў 1992 годзе ў горадзе Тумба, прыгарадзе Стакгольма, першапачаткова пад нецэнзурнай назвай Scum. Першым складам групы былі вакаліст Ёхан Хег, гітарысты Андэрс Хансан і Олаві Міканен, бас-гітарыст Тэд Лундстрэм і ударнік Ніка Мейра. Першае дэма гурта, «Thor arise», аказалася настолькі няўдалым, што студыя адмовілася яго выпускаць. У 1994 годзе, ужо пад назвай Amon Amarth, калектыў запісаў «the Arrival of the Fimbul Winter», які быў выдадзены тыражом у адну тысячу копій і быў распрададзены за дванаццаць гадзін. Студыю для запісу даў гурт «Hypocrisy».

Дэбютны альбом «Sorrow Throughout the Nine Worlds» быў выпушчаны на сінгапурскім лэйбле Pulverised records ў 1996 годзе. Пасля гэтага калектыў заўважылі вядомыя выданні, якія пішуць пра рок-музыку, і неўзабаве Amon Amarth атрымалі кантракт з буйной кампаніяй Metal Blade. На ім група выдаецца пачынаючы з альбома 1998 года «Once Sent from the Golden Hall».

Незадоўга да запісу група змяніла бубнача, а акурат перад турнэ ў падтрымку альбома ад Amon Amarth сышоў гітарыст Хансан. На яго месца ўзялі Ёхана Содэрберга.

Да 2007 г. група выпусціла шэсць паўнавартасных альбомаў і заваявала шырокую папулярнасць сярод прыхільнікаў дэз-метала.

Дыскаграфія[правіць | правіць зыходнік]

  • Thor Arise (Demo) (1993)
  • Burning creation (1994)
  • Sorrow Throughout the Nine Worlds (1996)
  • Once Sent from the Golden Hall (1998)
  • The Avenger (1999)
  • The Crusher (2000)
  • Versus the World (2002)
  • Fate of Norns (2004)
  • With Oden on Our Side (2006)
  • Twilight of the Thunder God (2008)