Chlamyphorus truncatus — від браняносцаў сямейства Chlamyphoridae. Сустракаецца ў цэнтральнай частцы Аргенціны, дзе насяляе сухія лугі і плоскія пясчаныя ўчасткі, парослыя кактусамі і калючымі кустамі.
Вырастае да 90-115 мм без уліку хваста, адрозніваецца бледна-ружовай або ружовай афарбоўкай. Пры спалоху ён здольны за некалькі секунд цалкам закапацца ў зямлю.
Гэта начная жывёла. Ён выкопвае ў сухой глебе каля мурашнікаў невялікія норы. Харчуецца ў асноўным мурашкамі або іх лічынкамі, знаходзячы і тых і іншых каля сваёй нары. Таксама часам есць чарвякоў, слімакоў, насякомых і іх лічынак, а таксама розныя расліны, у тым ліку есць карані раслін.
Большую частку часу праводзіць пад зямлёй, гэта рыючая жывёла, падобная па спосабу жыцця на златакрата або прадстаўніка роду Notoryctes. Вялікімі пярэднімі лапамі жывёла змешвае пясок і практычна «плыве» ў ім, як маглі б плыць у вадзе. Формай цела гэты браняносец нагадвае тарпеду, яго галава прыкрытая шчытком для абароны ад пяску.
У 1996 годзе Міжнародны саюз аховы прыроды класіфікаваў гэты від як «які знаходзіцца ў небяспецы»[1]. У 2006 годзе від ужо характарызаваўся як «блізкі да пагрозы», што азначае меншую ступень небяспекі. З 2008 года ён характарызуецца як «від, аб становішчы якога недастаткова даных»[1]. Аднак адзначаецца, што пагрозу гэтаму віду ўяўляе разбурэнне асяроддзя яго пражывання, часткова звязанае з развядзеннем буйной рагатай жывёлы[1].
Гэты браняносец сустракаецца на шэрагу ахоўных тэрыторый, уключаючы нацыянальны парк Ліўе-Калель(ісп.) (бел.. Законы як Аргенціны, так і асобных яе рэгіёнаў абараняюць гэтага браняносца[1].
Зноскі
↑ абвгSuperina, M., Abba, A., Vizcaino, S., Porini, G., Meritt, D. & Memberse of the IUCN SSC Edentate Specialist Group (2008). Chlamyphorus truncatusАрхівавана 29 красавіка 2012.. In: IUCN 2008. IUCN Red List of Threatened Species. Downloaded on 30 December 2008.
_(cropped).jpg)
_%D0%BA%D0%BE%D0%BDXIX-%D0%BD%D0%B0%D1%87XX%D0%B2_%D0%93%D0%98%D0%9C_e1.jpg)
