Holorusia mikado — відкамароў, лічыцца найбуйнейшым у свеце.
Размах крылаў гэтых насякомых звычайна складае каля 8 см. Былі ўпершыню выяўленыя ў Японіі брытанскім энтамолагам Джонам Вествудам, які і ўвёў у выкарыстанне гэтую назву. У заходніх частках правінцыі Сычуань (Кітай) камары Holorusia mikado, вядомыя таксама як доўганожкі, сустракаюцца ў асноўным у раёне Чэндускай раўніны і ў гарах вышынёй не больш за 2200 м. У жніўні 2017 года ў гарах Цінчэн правінцыі Сычуань кітайскія энтамолагі выявілі гіганцкага камара, размах крылаў якога дасягае 11,15 см.
Дарослыя казуркі жывуць усяго некалькі дзён і сілкуюцца, галоўным чынам, кветкавым нектарам. Дрэнна лятаюць з-за буйнога цела, хутчэй, скачуць. Звычайна гэтыя камары насяляюць раёны, багатыя расліннасцю.
