Lysichiton (ад стар.-грэч.: λύσις — вызваленне χιτών — вопратка, адзенне) — род шматгадовых кветкавых раслін сямейства Ароннікавыя (Araceae). Род уключае 2 віды, якія адрозніваюцца колерам покрыва: Lysichiton camtschatcense з белым покрывам і Lysichiton americanus з жоўтым покрывам. Першапачаткова яны лічыліся конспецыфічнымі і абодва апісваліся пад адным імем Lysichiton camtschatcense.
Віды роду - водна-балотныя расліны, якія жывуць на адным месцы доўгія гады. Яны маюць кароткія, вертыкальныя карэнішчы, ярка-зялёнае лісце, авальна-эліптычнай формы, клінавата звужаюцца дадолу, сабраны ў разетку па некалькі штук і размешчаны на кароткіх хвосціках. Ранняй вясной, да разгортвання лісця на расліне з'яўляецца суквецце, якое нагадвае калу, з катахам цыліндрычнай формы, загорнуты ў крыючы ліст. Плады заключаны ў белай мясістай восі катаха і маюць зялёны колер. Насенне ў колькасці 2 (4) акружана сліззю[3].
У адвараным і здробненым выглядзе бацвінне выкарыстоўваюць для адкорму свіней. Японскія навукоўцы рэкамендуюць прымяняць гэту расліну пры захворваннях дыхальных шляхоў[5]. Таксама віды роду выкарыстоўваюць як дэкаратыўныя расліны ў ландшафтным дызайне.
Magnoliophyta: Alismatidae, Arecidae, Commelinidae (in part), and Zingiberidae. Flora of North America Editorial Committee, eds. 2000. — New York: Oxford University Press, 2000. — 352 с.
