Мпумаланга (правінцыя)

Мпумала́нга (зулу: Mpumalanga) — адна з правінцый Паўднёва-Афрыканскай Рэспублікі. Да 24 жніўня 1995 году звалася Усходні Трансвааль. Да 1994 году ўваходзіла ў склад правінцыі Трансвааль. Назва правінцыі ў перакладзе з мовы зулу азначае «месца, дзе ўзыходзіць сонца». Мпумаланга знаходзіцца на ўсходзе ПАР, мяжуе з правінцыямі Гаўтэнг, Лімпапо, Квазулу-Натал і Свабоднай дзяржавай, а таксама са Свазілендам і Мазамбікам.

Сталіца правінцыі — г. Нэлспрэйт. Правінцыя падзеленая на тры акруговых муніцыпалітэта — Гэрт-Сыбандэ, Нкангала і Эхланзені — якія, у сваю чаргу, падпадзяляюцца на 17 мясцовых муніцыпалітэтаў.

На тэрыторыі правінцыі Мпумаланга знаходзіцца нацыянальны парк Кругер.

Вонкавыя спасылкі

• На Вікісховішчы ёсць медыяфайлы па тэме Мпумаланга (правінцыя)