Алах
Алах (араб. الله ⓘ) — арабскае слова, якое азначае Бога. У ісламе слова Алах традыцыйна выкарыстоўваецца ў любой мове, што азначае як уласна Бога, так і адно з яго імёнаў.
Паводле веры мусульман, Алах — стваральнік і кіраўнік усяго існага. Акрамя яго ніхто не валодае гэтымі якасцямі. Існаванне Алаха неабходна для сусвету, а яго адсутнасць немагчыма. У Алаха няма роўных, і ў гэтым выяўляецца Яго абсалютнае адзінства.
Алах — імя ўласнае, яно адпавядае сапраўднаму Богу, Творцу і Госпаду ўсяго існага, уладальніку ўсіх выдатных імёнаў і якасцяў, Цэламу, Адзінаму. Алах вечны і не мае пачатку і канца. Спасціжэнне Яго чалавечым розумам немагчыма. Аднак некаторыя Яго атрыбутыўныя якасці паддаюцца прыблізнаму апісанню катэгорыямі чалавечага паняццевага апарата, гэта значыць, напрыклад, можна казаць пра Яго існаванне або дасканаласць.
 | Артыкулу нестае спасылак на крыніцы. |
