Альба Аўгуст

Альба Аўгуст
Дата нараджэння	6 чэрвеня 1993(1993-06-06) (29 гадоў)
Месца нараджэння	Капенгаген, Капенгаген, Сталічная вобласць, Данія, Каралеўства Данія
Грамадзянства	Швецыя
Бацька	Біле Аўгуст[d]
Маці	Перніла Аўгуст
Адукацыя	Södra Latin[d]
Прафесія	актрыса, кінаактрыса, спявачка
IMDb	ID 2110232
Медыяфайлы на Вікісховішчы

Альба Адэль Аўгуст (дацк.: Alba Adèle August; нар. 6 чэрвеня 1993, Капенгаген, Данія) — дацка-шведская актрыса. Атрымала вядомасць дзякуючы свайму з'яўленню ў тэлесерыяле «Дождж» і фільме «Быць Астрыд Ліндгрэн».

Біяграфія

Альба Адэль Аўгуст нарадзілася 6 чэрвеня 1993 года ў Капенгагене. Яе бацька — вядомы дацкі кінарэжысёр Біле Аўгуст, а маці — шведская актрыса Перніла Аўгуст. У Альбы ёсць сястра Аста, якая таксама з'яўляецца актрысай. Дзяцінства правяла ў Стакгольме. Скончыла Дацкую школу выканальніцкіх мастацтваў.

Акцёрскі дэбют Альбы адбыўся ў 2001 годзе ў фільме «Песня для Марціна», дзе яна выканала эпізадычную ролю. Рэгулярна пачала здымацца ў кіно з 2010 года.

У 2013 годзе прыняла ўдзел у здымках трох эпізодаў серыяла «Забойства на Сандхамне». У 2017 годзе знялася ў першым сезоне серыяла «У заложніках».

Шырокую вядомасць атрымала ў 2018 годзе пасля выхаду на Netflix тэлесерыяла "Дождж". За роль Сымоны яна была намінаваная на прэміі «Robert prisen» і «Zulu Awards».

У 2018 годзе выканала ролю Астрыд Ліндгрэн у фільме «Быць Астрыд Ліндгрэн», за якую была намінаваная на прэмію «Залаты жук».

У тым же годзе Альба атрымала узнагароду «EFP Shooting Star» на Берлінскім кінафестывалі.