Ара Грач’евіч Геваргян

Ара Грач'евіч Геваргян
арм.: Արա (Արայիկ) Գևորգյան
Пол	мужчынскі пол
Спецыялізацыя	вольная барацьба
Нарадзіўся	22 студзеня 1973(1973-01-22) (51 год) Kaghtsrashen[d], Арташацкі раён[d], Армянская ССР, СССР
Грамадзянства	Арменія
Рост	165 см

Спартыўныя ўзнагароды
Вольная барацьба
Чэмпіянаты свету
Золата	Атланта 1995	да 68 кг
Золата	Краснаярск 1997	да 69 кг
Золата	Тэгеран 1998	да 69 кг
Чэмпіянаты Еўропы
Срэбра	Стамбул 1993	да 68 кг
Срэбра	Рым 1994	да 68 кг
Бронза	Фрыбург 1995	да 68 кг
Срэбра	Будапешт 1996	да 68 кг
Золата	Варшава 1997	да 69 кг
Срэбра	Браціслава 1998	да 76 кг

Ара́ (Ара́ік) Гра́ч'евіч Геваргя́н (арм.: Արա (Արայիկ) Գևորգյան; нар. 22 студзеня 1973, Кахцрашэн, Армянская ССР) — савецкі і армянскі барэц вольнага стылю, шматразовы чэмпіён Арменіі, чэмпіён Еўропы (1997), трохразовы чэмпіён свету (1995, 1997, 1998). Майстар спорту СССР міжнароднага класа (1991). Заслужаны майстар спорту Арменіі (1995).

Біяграфія

Ара Геваргян нарадзіўся 22 студзеня 1973 года ў сяле Кахцрашэн Арташацкага раёна Армянскай ССР. Пачаў займацца барацьбой у 1984 годзе пад кіраўніцтвам Разіка Галецяна. На мяжы 1980-х і 1990-х гадоў уваходзіў у склад юніёрскай зборнай СССР, у 1991 годзе стаў чэмпіёнам Еўропы ва ўзроставай катэгорыі да 18 гадоў. З 1992 года прыцягваўся ў моладзевую каманду Арменіі, а з 1993 – у нацыянальную зборную гэтай краіны. Найболей паспяхова Ара Геваргян выступаў у сярэдзіне і другой палове 1990-х гадоў. У 1995, 1997 і 1998 гадах ён тройчы заваёўваў званне чэмпіёна свету, а ў 1997 годзе выйграваў таксама чэмпіянат Еўропы. Дзякуючы гэтым поспехам ён лічыўся адным з галоўных фаварытаў на Алімпійскіх гульнях у Атланце і Сіднеі, але не змог заняць на гэтых спаборніцтвах прызавое месца.

У 2001 годзе перайшоў у цяжэйшую вагавую катэгорыю. Не дасягнуўшы ў ёй высокіх вынікаў, завяршыў міжнародную спартыўную кар'еру пасля ўдзелу ў Алімпійскіх гульнях у Афінах. У 2005—2008 гадах выступаў за клубы нямецкай барацьбітаўскай бундэслігі «Aalen 05» і «Witten 07».

Спасылкі

• http://www.fila-official.com/index.php?option=com_database&act=ficheLutteur&Itemid=&id_lutteur=91C90D92614049F380DC251D9DA713A1&filtre_pays=&lettre=G&recherche_lutteur=&lang=en Архівавана 23 студзеня 2013.
• http://www.sports-reference.com/olympics/athletes/ge/arayik-gevorgyan-1.html Архівавана 10 лістапада 2012.
• http://www.ksv-koellerbach.de/popup_sv_club_fighter_details.php?fighter_id=677 Архівавана 11 лютага 2013.