Астраўныя тэрыторыі ЗША

З Вікіпедыі, свабоднай энцыклапедыі

Астраўныя тэрыторыі ЗША (анг.: Insular areas) - тэрытарыяльныя ўладанні ЗША, якія не ўваходзяць у склад якога-небудзь з 50 штатаў краіны або Федэральнай акругі Калумбія. Астраўной тэрыторыяй можа звацца пратэктарат, садружнасць, вольна асацыяваная дзяржава, залежная тэрыторыя і г.д.

Жыхары шэрагу астраўных тэрыторый лічацца грамадзянамі ЗША, хаця не плацяць федэральных падаткаў і не могуць удзельнічаць у прэзідэнцкіх выбарах. Тавары, вырабленыя на астраўных тэрыторыях, могуць мець пазнаку Made in USA.

У лік астраўных тэрыторый уваходзяць ўладанні ў Ціхім акіяне і Карыбскім моры.