Барыс Саламонавіч Мейлах

Барыс Саламонавіч Мейлах
Дата нараджэння	26 чэрвеня (9 ліпеня) 1909 ці 9 ліпеня 1909(1909-07-09)
Месца нараджэння	Лепель, Лепельскі павет, Віцебская губерня, Расійская імперыя
Дата смерці	4 чэрвеня 1987(1987-06-04) (77 гадоў)
Месца смерці	Ленінград, РСФСР, СССР
Месца пахавання	Камароўскія пасялковыя могілкі[d]
Грамадзянства	Расійская імперыя  СССР
Дзеці	Міхаіл Барысавіч Мейлах[d]
Род дзейнасці	літаратуразнавец, педагог, культуролаг
Навуковая сфера	літаратуразнаўства
Месца працы	філалагічны факультэт СПбДУ[d]
Навуковая ступень	доктар філалагічных навук
Альма-матар	МДУ
Партыя	КПСС
Прэміі
Узнагароды

Барыс Саламонавіч Мейлах (26 чэрвеня (9 ліпеня) 1909, Лепель — 4 чэрвеня 1987, Ленінград) — літаратуразнавец, доктар філалагічных навук, пушкініст.

Біяграфія

У Туле скончыў сярэднюю школу. Вучыўся ва ўніверсітэце, і ўжо у 1930-х гадах стаў маладым супрацоўнікам Інстытута рускай літаратуры. У 1935 годзе абараніў кандыдацкую дысертацыю на тэму «Пушкін і рускі рамантызм», праз два гады на яе аснове выдаў грунтоўную кнігу.

Перад Вялікай Айчыннай вайной быў прызначаны выконваючым абавязкі дырэктара Інстытута рускай літаратуры. З блакаднага Ленінграда быў выпраўлены ў эвакуацыю ў Сярэднюю Азію. У Ташкенце абараніў доктарскую дысертацыю.

Навуковая дзейнасць

У 1958 годзе — манаграфія «Пушкін і яго эпоха», у 1962 годзе — «Мастацкае мысленне Пушкіна як творчы працэс», у 1969 годзе «Талент пісьменніка і праблемы творчасці». У сааўтарстве з Б. Гарадзецкім і М. Ізмайлавым падрыхтаваў важную для настаўнікаў кнігу «Пушкін. Вынікі і праблемы вывучэння» (1966).

Шырокі розгалас выклікала кніга «Сыход і смерць Льва Талстога» (1960, 2-е выданне — 1979).