Беларуская вайсковая камісія па арганізацыі беларускіх вайсковых часцей на Румынскім фронце

Беларуская Вайсковая Камісія па арганізацыі Беларускіх вайсковых часцей на Румынскім фронце — орган стварэння беларускіх вайсковых частак у складзе войска Расійскай дзяржавы. Створаны 9 студзеня 1918 года загадам № 1332 Памочніка Аўгусьцейшага Галоўнакамандуючага арміямі Румынскага фронту генералам ад інфантэрыі Шчарбачовым.

Дзейнічала на тэрыторыі Каралеўства Румынія і Малдаўскай Рэспублікі. Падпарадкоўвалася Цэнтральнай беларускай вайсковай радзе ў Менску і інтарнацыянальнай «Нацыянальна-тэрытарыяльнай дэмакратычнай арганізацыі фронту» з прадстаўнікоў-камісараў УНР, Арменіі, Малдовы, Польшчы, ад мусульман, Летувы, Эстоніі, ад казакаў, Грузіі, ад сібірыкоў. Беларусь прадстаўляў Павел Данатавіч Манцэвіч.

Вынікі працы

2 лютага 1918 году загадам № 1436 з 4-га Армейскага корпуса пачалося фармаванне Беларускай дывізіі на тэрыторыі Малдаўскай Рэспублікі і Румыніі. Дывізію планавалі перакінуць у лютым 1918 года ў Менск на дапамогу Цэнтральнай беларускай вайсковай радзе дзеля барацьбы з польскімі баявікамі з мэтай распаўсюджання беларускай улады на ўвесь горад. Але не атрымалася. Дывізія была інтэрнаваная Каралеўствам Румынія.

Супрацоўнікі

• cтаршыня камісіі генерал-маёр Пажарскі

Глядзі таксама

Беларускае войска

Літаратура

• Алег Латышонак. «Жаўнеры БНР». 2009 г.
• С. К. Беларускія вайсковыя фармаваньні на б. румынскім фронце // Крывіч №2. 1923. С. 41-44. // на pawet.net
• Данілюк Тодар, успаміны. Спадчына №5 - 1995 С. 11-31

Глядзі таксама

Вайсковая камісія ВКЛ

Беларуская вайсковая камісія пры польскім генштабе