Даўжыня цела 11-12 см, размах крылаў 18-20 см. Нiз цела аднолькава жоўты, верх галавы, крылаў i хваста ярка-блакiтны, белыя шчокi, праз вока цёмная паласа. Маладыя з жаўтаватымi шчокамi i зеленавата-карычневым верхам цела. Песня даволi доўгая, далiкатная i хуткая.
Арэал: Еўропа (акрамя поўначы), Малая Азія, Блізкі Усход, Паўночна-Заходняя Афрыка, Iран, паўднёвы захад Туркменiі. На Беларусі звычайны від.
Насяляе розныя тыпы мяшаных лясоў, паркі, сады, населеныя пункты i гарады. Пазбягае хваёвых лясоў (асабліва сухіх), за выключэннем Канарскiх а-воў. У Татрах даходзiць да 1100 м, у Швейцарскіх Альпах — да 1250 м, у Французскіх Альпах — да 1700 м, у Пiрэнеях i на Каўказе — да 1800 м над у.м.
Гняздо ладзіць у дупле (як у натуральным, так і ў штучным) з вузкай адтулінай (3-3,5 см), шчылiнах i дзірках у мурах, рэдка на зямлi або ў перабудаваных гнёздах iншых птушак. Знешняя частка з зялёнага моху з прымессю сухой травы. Унутраная частка з касмыкоў воўны, шэрсці, валосся і пуху.
Яйкі (звычайна 10-12, часам 6-18) авальныя з тупым вузейшым канцом. Белыя, матавыя, з даволі рэдкімі светла-чырвонымі плямкамі (часам чорна-карычневымі), часта згушчанымi на шырэйшым канцы. Памеры: 16 х 12 мм.
