Бокс на летніх Алімпійскіх гульнях 2024
Спаборніцтвы па боксе на летніх Алімпійскіх гульнях 2024 года праходзяць з 27 ліпеня па 10 жніўня 2024 года. Будуць разыграны 13 камплектаў узнагарод — 7 у мужчын і 6 у жанчын. У кожнай вагавой катэгорыі ад краіны будзе выступаць толькі адзін спартовец. Традыцыйна ва ўсіх дысцыплінах бронзавых узнагарод удастояцца абодва баксёры, якія прайгралі ў паўфінале. Баксёры трэці раз запар на Алімпійскіх гульнях будуць выступаць без ахоўных шлемаў, пры гэтым гэтае правіла не распаўсюджвалася на жанчын. Асноўная сетка папярэдніх раундаў спаборніцтва па боксе будзе праводзіцца на «Арэне Норт-Парыж» (размешчанай на тэрыторыі Выставачнага парку ў Вільпенце, на поўначы недалёка ад Парыжа), а фінальныя паядынкі пройдуць адкрытым стадыёне «Ралан Гарос» — корт Філіп Шатрые.
У чэрвені 2022 года МАК адхіліў Міжнародную асацыяцыю аматарскага бокса ад арганізацыі турніру за «працяглыя праблемы з парушэннямі ў сферах фінансаў, кіравання, этыкі, арбітражу і судзейства». МАК устанавіў уласныя крытэрыі адбору на спаборніцтвы.