Веракру́с (ісп.: Veracruz), афіцыйна Гераічны Веракрус (ісп.: Heroica Veracruz) — партовы горад і муніцыпалітэт, размешчаны на ўзбярэжжы Мексіканскага заліва ў штаце Веракрус, Мексіка. Горад заснаваны Эрнанам Картэсам22 красавіка1519 года. Размяшчаецца за 90 км на паўднёвы ўсход ад сталіцы штата, горада Халапа-Энрыкес. Найбуйнейшы па насельніцтве горад штата. Насельніцтва — 552.156 жыхароў у межах горада і 702.394 у муніцыпалітэце (перапіс 2010 года).