Вірус некратычнай жаўтухі жылак буракоў

З пляцоўкі Вікіпедыя
Вірус некратычнай жаўтухі жылак буракоў
Beet Necrotic Yellow Vein Virus - Benyvirus BNYVV - 5357098-1.png
Буракі, паражаныя вірусам
Навуковая класіфікацыя
Міжнародная навуковая назва

Beet necrotic yellow vein virus

Група паводле Балтымара

IV: (+)алРНК-вірусы

Wikispecies-logo.svg
Сістэматыка
на Віківідах
Commons-logo.svg
Пошук выяў
на Вікісховішчы
NCBI  31721
EOL  539837

Вірус некратычнай жаўтухі жылак буракоў (англ.: Beet necrotic yellow vein virus, BNYVV) — від фітавірусаў з роду Benyvirus. Выклікае захворванне цукровых буракоў — рызаманію(англ.) бел. (ад стар.-грэч.: ῥίζα — корань і μανία — вар’яцтва).

Захворванне[правіць | правіць зыходнік]

Заражэнне расліны выклікае развіццё масы тонкіх карэньчыкаў, прыводзіць да памяншэння стрыжневага кораня і зніжэння ўтрымання цукру. Заражаныя расліны ў меншай ступені здольныя прымаць ваду і схільныя да заўчаснага завядання яшчэ ў спрыяльны для росту перыяд. Калі інфекцыя распаўсюджваецца на ўсю расліну, на лісці з’яўляюцца жоўтыя плямы, развіваецца некроз частак расліны, што паслужыла для выбару назвы віруса.

Пераносчык[правіць | правіць зыходнік]

Вірус перадаецца пратыстамі з атраду Plasmodiophorida — Polymyxa betae, па адной з ранніх гіпотэз патагенезу ўзбуджальнікам рызаманіі разглядаліся менавіта яны.

Polymyxa betae валодаюць высокастойкімі спорамі, якія могуць захоўвацца ў глебе больш за двух дзесяцігоддзяў. Вірус можа доўгі час знаходзіцца ў спорах і трапляе ў расліну, толькі калі з’яўляюцца рухомыя зааспоры Polymyxa betae.

Зноскі