Гарбуз мускатны

	Гарбуз мускатны
	; Гарбуз мускатны ў час цвіцення
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Гарбузакветныя
Сямейства:	Гарбузовыя
Трыба:	Cucurbiteae
Род:	Гарбуз
Від:	Гарбуз мускатны
Міжнародная навуковая назва
	Cucurbita moschata Duchesne, 1786
ITIS	22370
NCBI	3662
EOL	584408
IPNI	320034-2
TPL	kew-2747174

Гарбуз мускатны (Cucurbita moschata) — расліна сямейства гарбузовых.

Даўгаплецісты. Сцябло і чаранкі лісця апушаныя, лісце круглавата-ныркападобнае, зубчастае, 5—7-лопасцевае, мяккае, краі звісаюць. Кветкі бледна-аранжавыя з завостранымі пялёсткамі, адагнутыя.

Спелыя плады

Плады разнастайнай формы і памеру, масай да 6—18 кг, звычайна выцягнутыя, перахопленыя ў сярэдняй частцы і расшыраныя на канцы, жоўтыя або карычневыя. Мякаць аранжавая, шчыльная, скурка мяккая.

Радзіма — Цэнтральная Амерыка. Культывуецца ў Еўразіі. Цеплалюбівая расліна. Перыяд вегетацыі 100—120 дзён.

Кашгарскі гарбуз мае падоўжаныя плады, перахопленыя ў сярэдняй частцы, масай 6—18 кг. Афарбоўка апельсінавая са светла-карычневымі разарванымі палосамі. Мякаць салодкая. Насенне дробнае, бруднавата-белае з хвалістым абадком.

Плод сорту Палаў-каду ўкарочаны, каля асновы і вяршыні таўсцейшы, масай 4—8 кг. Афарбоўка светла-карычневая, мякаць сярэднесалодкая. Насенне буйное, авальнае, бледна-шараватае, з цёмным рубчыкам.

Лежнасць добрая.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура[правіць | правіць зыходнік]

Энцыклапедыя сельскага гаспадара / Беларуская энцыклапедыя; рэдкал.: М. А. Ткачоў і інш. — Мн.: БелЭн, 1993. — 734 с. ISBN 5-85700-079-3

[1] Ужываецца таксама назва Пакрытанасенныя.

[2] Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

[1]

[2]