Герб Батсваны

З Вікіпедыі, свабоднай энцыклапедыі
Герб Батсваны

Дзяржаўны герб Батсваны зацверджаны 25 студзеня 1966 г.

Шчыт, размешчаны ў цэнтры, падтрымліваюць дзве зебры. Форма шчыта традыцыйная для Усходняй Афрыкі. У верхняй частцы шчыта тры зубчастых колы, якія сімвалізуюць сабой прамысловасць.

Тры хвалі сімвалізуюць ваду. А дэвіз у ніжняй частцы герба на блакітнай стужцы Pula азначае на мове сетсвана дождж. Гэты дэвіз і хвалі падкрэсліваюць важнасць вады для Батсваны.

У ніжняй частцы шчыта размешчана галава быка, якая сімвалізуе высокае значэнне жывёлы для Батсваны. Дзве зебры намаляваныя, бо яны з'яўляюцца важнай часткай жывой прыроды ў Батсване. Зебра справа трымае галінку сорга, важную сельскагаспадарчую культуру для краіны. Зебра злева трымае бівень слана - слановую косць, што сімвалізуе гандаль слановай косткай у Батсване ў мінулым.