Дзеразовыя

З пляцоўкі Вікіпедыя
Перайсці да: рух, знайсці
\\
Lycopodium clavatum (staghorn clubmoss).jpg
Дзераза булавападобная
Навуковая класіфікацыя
Міжнародная навуковая назва

Lycopodiopsida Bartl., 1830

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   500007
NCBI   3248
EOL   4166

Дзеразовыя (Lycopodiopsida) — клас дзеразападобных.

Выдзяляецца два сучасных сямействы: дзеразовыя (Lycopodiaceae) і баранцовыя (Huperziaceae). Пашыраны па ўсім зямным шары. На Беларусі сустракаюцца прадстаўнікі родаў дзераза, баранец, дыфазіястр, лікападыела.

Спарафіты — сухапутныя вечназялёныя шматгадовыя расліны з укарочанымі або доўгімі паўзучымі, звычайна галінастымі сцябламі. Лісце маленькае, ланцэтнае, вострае, луска- або шылападобнае, завостранае, без язычка, размешчана па спіралі ці беспарадкава. Спарафілы мала або зусім не адрозніваюдца ад астатняга лісця. Спарангіі ныркападобныя, па верхнім баку спарафілаў каля іх асновы, сабраны ў стробілы (дзеразовыя), або пазушныя (баранцовыя). Споры роўныя, прарастаюць на 3-і, іншы раз на 5—8-ы год. Гаметафіты — зарасткі (у відаў нашай флоры) добра развітыя, мясістыя, падэемныя, клубнепадобныя, бесхларафільныя, двухполыя, з мікарызай, дыферынцыраваны на тканкі, сапратрофныя або паўсапратрофныя, выспяваюць на працягу 5—20 гадоў. Архегоніі і антэрыдыі размешчаны раздзельна на паверхні гаметафіта. Сперматазоіды з 2 жгуцікамі.

Літаратура[правіць | правіць зыходнік]

  • Дзярэзы // Энцыклапедыя прыроды Беларусі: У 5 т. Т. 2: Гатня — Катынь / Рэдкал.: І. П. Шамякін і інш. — Мн.: БелСЭ, 1983. — 522 с.: іл.